एमालेबाट चुनाव जितेका यी ८ जना वडाध्यक्षको गयो पद

निर्वाचन आयोगले नेकपा एमालेबाट निर्वाचित भएका ८ जना वडाध्यक्ष पदमुक्त भएको जनाएको छ। 

आयोगले बुधबार सूचना जारी गर्दै ०७९ को स्थानीय तह निर्वाचनमा एमालेबाट निर्वाचित भएका ८ जना वडाध्यक्ष पदमुक्त भएको जानकारी दिएको हो। 

गएको फागुन २१ गते सम्पन्न प्रतिनिधिसभा निर्वाचनको बेला उनीहरूले सम्वन्धित दल परित्याग गरेपछि उनीहरू पदमुक्त भएका हुन्। 

आयोगले राजनीतिक दल सम्बन्धी ऐन, २०७३ को उपदफा (१) र राजनीतिक दलसम्बन्धी नियमावली २०७४ को नियम २२ बमोजिम सम्बन्धित दलको केन्द्रीय समितिको निर्णयका आधारमा उनीहरूलाई पदमुक्त गरिएको जनाएको छ। 

पदमुक्त हुनेमा ओखलढुंगाको मोलुङ गाउँपालिकाका दुई, चम्पादेवी गाउँपालिकाका १, पाल्पा, ललितपुर, मोरङ र दाङका विभिन्न स्थानीय तहका वडामा निर्वाचित हुने एकएक जना वडाध्यक्ष छन्। 

हेर्नुहोस् सूचना