भारत भ्रमणपछि राष्ट्रपतिसँग रवि लामिछानेको भेट, मोदीसँगको कुराकानीबारे जानकारी

काठमाडौं । भारत भ्रमणबाट फर्किएपछि राष्ट्रिय स्वतन्त्र पार्टी (रास्वपा) का सभापति रवि लामिछाने ले राष्ट्रपति रामचन्द्र पौडेल सँग भेट गरी आफ्नो भ्रमणबारे जानकारी गराएका छन्।

शीतलनिवासमा सोमबार दिउँसो भएको भेटमा लामिछानेले भारतीय जनता पार्टी (भाजपा) को निमन्त्रणामा सम्पन्न भारत भ्रमणका बारेमा राष्ट्रपतिलाई जानकारी गराएका हुन्।

भेटका क्रममा उनले भारतका प्रधानमन्त्री नरेन्द्र मोदी लगायत भारतीय राजनीतिक नेतृत्वसँग भएको भेटघाट, द्विपक्षीय चासोका विषय तथा छलफलका मुख्य बुँदाबारे राष्ट्रपतिलाई अवगत गराएको जनाइएको छ।

रास्वपाका सभापति लामिछाने हालै भाजपाको निमन्त्रणामा भारत भ्रमणमा गएका थिए। भ्रमणका क्रममा उनले भारतीय प्रधानमन्त्री मोदीसहित विभिन्न उच्च राजनीतिक व्यक्तित्वहरूसँग भेटवार्ता गरेका थिए।