बलिउड अभिनेता बेदीले गरे पशुपतिनाथको दर्शन

काठमाडौँ । चलचित्र ‘है जवानी तो इश्क होना है’ को प्रचार प्रसारका लागि आइतबार नेपाल आएका बलिउड (भारतीय) अभिनेता राकेश बेदीले पशुपतिनाथको दर्शन गरेका छन् । उनले सोमबार बिहान सहकर्मीका साथ पशुपति दर्शन गरेका हुन् । उनी आइतबार नेपाल आएका थिए ।

बेदी नियोम फिल्म्स र क्यापिटल वर्ल्ड ग्रुपका वितरकहरू कश्यप नरेन्द्र वेद र नवीन उदासको निमन्त्रणामा नेपाल आएका हुन् । नेपाल र भारतबिचको चलचित्र उद्योगको सहकार्यलाई थप सुदृढ बनाउने उद्देश्यका साथ नियोम फिल्म्स र क्यापिटल वर्ल्ड ग्रुपका वितरकहरू वेद र उदासले यो भ्रमणको आयोजना गरेका हुन् ।

उनी विभिन्न हल पुगेर दर्शकसँग साक्षात्कार समेत गर्नेछन् । बेदी मङ्गलवार भारत फर्किनेछन् ।