भाउजुलाई कुटपिट गरी हत्या गरेको आरोपमा देवर पक्राउ

भोजपुर- भाउजुलाई कुटपिट गरी हत्या गरेको आरोपमा भोजपुरमा प्रहरीले देवरलाई पक्राउ गरेको छ ।

जिल्ला प्रहरीले कार्यालय भोजपुरले कुटपिट गरी भाउजुको हत्या गरेको आरोपमा देवरलाई पक्राउ गरेको हाे ।

जिल्ला प्रहरी कार्यालय भोजपुरका अनुसार गत २२ गते राति घरायसी विवादमा राजकुमारले केशरमायालाई कुटपिट गरी हत्या गरेका हुन् ।

प्रहरीका अनुसार भोजपुरको टेम्केमैयुङ गाउँपालिका–५ खावाका ३५ वर्षीय राजकुमार राईले ४८ वर्षीया भाउजु केशरमाया राईलाई मरणासन्न हुने गरी कुटपिट हत्या गरेको अभियोगमा पक्राउ गरिएको हो ।

प्रहरीले घटनाबारे थप अनुसन्धान गरिरहेको जनाएको छ ।