कालिकोट–प्यूठानका शङ्कास्पद वस्तु सेनाद्वारा डिस्पोज

काठमाडौं । कालिकोट र प्यूठानमा फेला परेका शङ्कास्पद वस्तुहरू नेपाली सेनाले सुरक्षित रूपमा डिस्पोज गरेको छ।

नेपाली सेनाका अनुसार २०८३ जेठ २३ गते कालिकोटको खाँडाचक्र नगरपालिका–१ मान्मस्थित एक स्थानीयको बारी तथा प्यूठानको नौबहिनी गाउँपालिका–६ लुङस्थित एक स्थानीयको घरमा शङ्कास्पद वस्तु फेला परेका थिए।

सूचना प्राप्त भएपछि नेपाली सेनाको बम डिस्पोजल टोली घटनास्थलमा खटिएको थियो। टोलीले आवश्यक सुरक्षा सतर्कता अपनाउँदै दुवै स्थानमा रहेका शङ्कास्पद वस्तुहरू सुरक्षित रूपमा निष्क्रिय (डिस्पोज) गरेको जनाएको छ।

घटनामा कुनै मानवीय वा भौतिक क्षति नभएको नेपाली सेनाले जनाएको छ।