पहिरोले पुर्दा एकै परिवारका ९ जनाको मृत्यु , एकको जीवितै उद्धार

काठमाडौं– स्याङजाको वालिङ नगरपालिका १४ तमादीमा पहिरोले पुर्दा एकै परिवारका ९ जनाको मृत्यु भएको छ । एक जनाको जीवितै उद्धार गरिएको छ । 

जिल्ला प्रहरी कार्यालयका प्रवक्ता डिएसपी राजेन्द्रप्रसाद अधिकारीका जानकारी अनुसार राति सुतिरहेका बेला आएको पहिरोमा परि मृत्यु हुनेहरुमा ७ महिने शिशु, ९ वर्षीय दिवस नेपाली, १४ वर्षीय विक्रम नेपाली, १६ वर्षीय विनिता नेपाली, २१ वर्षीय कुलदीप नेपाली, २८ वर्षीय उमाकला नेपाली, ३० वर्षीय दिपक नेपाली, ४८ वर्षीय माया नेपाली र ६० वर्षीय सानी नेपाली रहेका छन ।    

साथै जीवितै उद्धार भएकी मनिषा नेपालीलाई उपचारका लागि पोखरा पठाइएको छ ।