तनहुँको एउटै वडाका ६ जनामा कोरोना पुष्टि

काठमाडौ - कोरोना महामारीको कारणले तनहुँको भानु नगरपालिकाको एउटै वडामा आज थप ६ जनामा कोरोना संक्रमण पुष्टि भएको छ । भानु नगरपालिका–१ कोरोना संक्रमितहरु महिला र पुरुष हुन तीमध्ये चार महिला र दुई पुरुष हुन् ।

उक्त वडाका ४६ र ६३ वर्षीय पुरुष र ४५, ५२, १७ र २५ वर्षीया महिला हुन । उनीहरु सबै एउटै समुदायका हुन् ।

उनीहरुलाई कोरोना संक्रमण पुष्टि भएको गण्डकी प्रदेश स्वास्थ्य निर्देशनालयले जनाएको छ ।

तनहुँमा हालसम्म भानु नगरपालिकामा सबैभन्दा बढी समुदायका कोरोना सङ्क्रमण पुष्टि भएको छ ।

सोही नगरपालिकाको यो भन्दा अगाडी प्रहरी, इन्जिनियर र वडाध्यक्षलाई समेत कोरोना संक्रमण भएको थियो ।