हिमालयन चेस एकेडेमीकी संस्थापक मोनालिशा खम्बू शरणार्थीलाई प्रशिक्षण दिन बंगलादेश प्रस्थान

 हिमालयन चेस एकेडेमीकी संस्थापक मोनालिशा खम्बू रोहिंग्या शरणार्थी समुदायलाई चेस प्रशिक्षाण दिनका लागि विहीबार बंगलादेश प्रस्थान गरेकी छन् ।

राष्ट्रिय खेलकुद परिषदमा बोर्ड सदस्यको पद वहाली गरेलगत्तै खम्बू बंगलादेशको राजधानी ढाका प्रस्थान गरेकी हुन् ।

स्पोर्टस् फर होप एन्ड इन्डिपेन्डेन्सले विश्व बुद्धिचाल महासंघ (फिडे) को सहकार्यमा कक्सबजारस्थित रोहिंग्या शरणार्थी समुदायमा हुने प्रशिक्षण एक साता चल्नेछ ।

कार्यक्रममा फिडेकी डेपुटी चेयर डाना रिजनिस र फिडे कमिसन फर वुमेन्स चेसकी प्रमुख अनस्तेसिया सोरोकिना पनि सहभागि हुँदैछन् ।

फिडे इन्स्ट्रक्टरसमेत रहेकी खम्बूलाई फिडेले चेस फर प्रोटेक्सनका लागि प्रशिक्षक नियुक्त गर्दै बंगलादेश पठाएको हो ।

पहिलो महिला राष्ट्रिय च्याम्पियन रहेकी उनलाई युवा तथा खेलकुद मन्त्रालयले वुधबार राखेप बोर्ड सदस्यमा नियुक्त गरेको थियो ।