एसियन गेम्स छनोटको फाइनलः नेपालले टस जित्यो

काठमाडौं । एसियन गेम्स छनोटको फाइनल खेलमा नेपालले हङकङविरुद्ध पहिले फिल्डिङ गर्ने भएको छ ।

सिंगापुर नेसनल क्रिकेट ग्राउन्डमा नेपालले टस जितेर फिल्डिङ रोज्दै हङकङलाई ब्याटिङको निम्तो दिएको हो ।

हिजो भएको खेलमा नेपालले ओमानलाई ८ विकेटले हराउँदै फाइनल प्रवेश गरेको थियो । सेमिफाइनलमा खेलमा जितका लागि ओमानले दिएको ९५ रनको सामान्य लक्ष्य पछ्यको नेपालले ९.२ ओभरमा २ विकेट गुमाएर पूरा गरेको थियो ।