सरकारले सुकुम्बासीलाई १५ हजार घरभाडा वितरणको तयारी

सरकारले वास्तविक भूमिहीन सुकुम्बासीलाई जग्गाधनी प्रमाणपुर्जा (लालपुर्जा) वितरण नगरेसम्म अस्थायी व्यवस्थापनका लागि मासिक १५ हजार रुपैयाँ घरभाडा उपलब्ध गराउने तयारी गरेको छ ।

प्रतिनिधिसभाअन्तर्गतको राज्य व्यवस्था तथा सुशासन समितिको बिहीबार बसेको बैठकमा सरकारी प्रतिनिधिहरूले यस्तो जानकारी दिएका हुन् । बैठकमा शहरी विकास मन्त्रालय तथा संघीय मामिला तथा सामान्य प्रशासन मन्त्रालयका मन्त्री एवं पदाधिकारीहरूले सुकुम्बासी व्यवस्थापनसम्बन्धी हालसम्मको प्रगति विवरण प्रस्तुत गरेका थिए ।

समिति सभापति हरि ढकालका अनुसार काठमाडौंका विभिन्न होल्डिङ सेन्टरमा रहेका भूमिहीन सुकुम्बासीहरूको पहिचानका लागि हाल ‘स्क्रिनिङ’ प्रक्रिया चलिरहेको छ । उक्त प्रक्रिया पूरा भएपछि फास्ट ट्रयाकमार्फत लालपुर्जा वितरण गरिने सरकारको लक्ष्य रहेको उनले जानकारी दिए ।

ढकालका अनुसार सरकारले लालपुर्जा वितरण नभएसम्मका लागि वास्तविक सुकुम्बासीलाई मासिक १५ हजार रुपैयाँ घरभाडा उपलब्ध गराउने तयारी गरेको छ । यसका लागि आवश्यक स्रोतसमेत सुनिश्चित भइसकेको जानकारी समितिलाई दिइएको उनले बताए ।

सरकारी पक्षले होल्डिङ सेन्टरमा रहेका सुकुम्बासी परिवारका बालबालिकाको शिक्षाका लागि विद्यालय बसको व्यवस्था गरिएको तथा सुत्केरी महिलाहरूको पोषणका लागि आवश्यक प्रबन्ध मिलाइएको दाबी पनि गरेको छ ।

यसैबीच, सरकारले प्रस्तुत गरेको कार्यप्रगति र वास्तविक अवस्थाबारे यथार्थ जानकारी लिन संसदीय समितिले स्थलगत अनुगमन गर्ने निर्णय समेत गरेको छ ।

सरकारले सुकुम्बासीलाई १५ हजार घरभाडा वितरणको तयारी

सरकारले वास्तविक भूमिहीन सुकुम्बासीलाई मासिक १५ हजार घरभाडा दिने तयारी गरिरहेको छ। थप जानकारीका लागि यहाँ क्लिक गर्नुहोस्! 

Keywords: सरकारको निर्णय सुकुम्बासीका लागि,सुकुम्बासीका लागि घरभाडा मद्दत,लालपुर्जा वितरण प्रक्रिया,सुकुम्बासी पहिचानको प्रक्रिया,सुकुम्बासी व्यवस्थापनका लागि भाडा,सरकारी सहायता सुकुम्बासी परिवारको लागि,सुकुम्बासीको चासोका विषयहरू,काठमाडौँको भूमिहीन सुकुम्बासी,सरकारी विकास योजना सुकुम्बासीलाई,सुकुम्बासीको जीवन स्तर सुधार