एसिया कप छनोट प्रतियोगिताः मलेसियाविरुद्ध नेपालले पहिला ब्याटिङ गर्ने

काठमाडौं । एसिया कप क्रिकेट पुरुष छनोटमा नेपालले बिहीबार मलेसियासँग प्रतिस्पर्धा गर्दैछ।

खेल सिंगापुरमा अहिले केहीबेरमा सुरु हुनेछ।

मलेसियाले टस जितेर पहिला फिल्डिङ रोजेपछि नेपाल केहीबेरमा ब्याटिङमा उत्रनेछ।समूह ए मा रहेको नेपाल र मलेसियाको समान २ अंक छ।

यद्यपि रनरेटनमा अघि रहँदै नेपाल शीर्ष स्थानमा छ। आजको खेलको विजेताले समूह विजेता र उपविजेताको टुंगो लगाउनेछ। दुवै टोली यसअघि नै सेमिफाइनलमा प्रवेश गरिसकेका छन्।

यहीँ समूहमा रहेको चीनले आफ्ना दुवै खेल हारेको थियो। कतारले अन्तिम समयमा आफ्नो नाम फिर्ता लिएपछि समूह एमा तीन टोलीबीच मात्र प्रतिस्पर्धा भएको हो। 

समूह बी बाट भने हङकङ र ओमानले एक एक खेल अगावै सेमिफाइनलमा स्थान पक्का गरेका छन्। यो समूहबाट बहराइन र आयोजक सिंगापुर बाहिरिएका छन्।