सर्वाेत्तम सिमेन्टको आइपीओ बाँडफाँट
काठमाडौं । सर्वोत्तम सिमेन्टले गरेको साधारण सेयर (आइपीओ) बाँडफाँट भएको छ ।
बुक विल्डिङ विधिमार्फत साधारण सेयर जारी गरेको कम्पनीको आईपीओमा माग भन्दा बढी आवेदन परेका कारण गोलाप्रथामार्फत कम्पनीको आइपीओ बाँडफाँट गरिएको हो।
जसमा ५५ हजार ५ सय २१ जनाले सेयर हात पारेका छन् ।
त्यसमध्ये २६ जनाले ५१ कित्ता र बाँकीले ५० कित्ताका दरले सेयर पाएको विक्री प्रवन्धक ग्लोबल आइएमई क्यापिटलले जानकारी दिएको छ ।
कम्पनीको आईपीओमा ९ लाख ५९ हजार ८९७ जनाले आवेदन दिएकोमा ९३८ जनाको आवेदन रद्द थियो ।
आवेदन दिएकामा ९ लाख ५८ हजार ९५९ जनालाई गोलाप्रथामा सहभागी गराइएको थियो ।
प्रतिक्रिया