गाजापट्टी क्षेत्रमा इजरायललाई आक्रमण नरोके नियन्त्रणभन्दा बाहिर जाने इरानको चेतावनी

एजेन्सी। इरानले इजरायल र अमेरिकालाई गाजापट्टी क्षेत्रमा गरेको आक्रमण नरोके अवस्था नियन्त्रणभन्दा बाहिर जाने चेतावनी दिएको छ ।

इरानका विदेशमन्त्री हुसेन अमिर अब्दुल्लाहनले गाजा क्षेत्रमा भइरहेको सैन्य कारवाही रोक्न र नरोके मध्य पूर्व नियन्त्रणभन्दा बाहिर जाने बताएका हुन् ।

विदेशमन्त्री हुसैनले गाजा क्षेत्रमा मानवता विरुद्धको अपराध भइरहेको भन्दै तत्काल आक्रमण रोक्न आग्रह समेत गरेको छ ।

प्यालेस्टाइनको विद्रोही समूह हमासले इजरायलमा आक्रमण गरेपछि गाजा क्षेत्रमा दुईतर्फी युद्ध चर्किरहेको छ । इरानले प्यालेस्टाइनको समर्थन गर्दै आएको छ भने अमेरिका इजरायलको पक्षमा देखिएको छ ।