विभिन्न हातहतियार सहित पक्राउ          

स्याङजा - पुतलीबजार नगरपालिका-६ काउले सिमलबोट बस्ने ६६ वर्षीय थमन गुरूङ र सोही नगरपालिका-६ काउले किराखोर बस्ने २० वर्षीय सुजन गुरूङलाई विभिन्न हतियार सहित मंगलबार प्रहरीले पक्राउ गरेको छ ।   

उनीहरुसँग अवैध हतियार रहेको भन्ने सूचनाको आधारमा जिल्ला प्रहरी कार्यालय स्याङजाबाट खटिएको प्रहरीले  उनीहरुको घर तलासी गर्दा थमनको घरबाट १ थान एकनाले भरुवा बन्दुक, १ थान भरूवा बन्दुकको नाल व्यारलको भाग,  १ सय ४५ ग्राम बारूद, ११ वटा टिनको स-साना पाता, ५ थान केप, १ सय ५६ वटा स-साना काचो सिसा र सुजनको घरबाट १ थान एकनाले भरुवा बन्दुक फेला पारी पक्राउ गरेको हो ।

उनीहरु उपर हातहतियार तथा खरखजना सम्बन्धी कसूरमा बुधबार जिल्ला अदालत स्याङजाबाट २५ दिन म्याद थप अनुमति लिई आवश्यक अनुसन्धान भइरहेको जिल्ला प्रहरी कार्यलाय स्याङजाले जनाएको छ ।