दुई महिलामाथि बलात्कार गरेको आरोपमा पाेखरावाट बामदेव पक्राउ

काठमाडाैँ-दुई महिलामाथि बलात्कार गरेको आरोपमा पाेखरा प्रहरीले एकजनालाई पक्राउ गरेकाे छ ।

पोखरा महानगर-७ शान्तिनगर बस्ने ३७ वर्षीय बामदेव सुवेदीलाई प्रहरीले पाेखराबाट पक्राउ गरेको हो ।

जिल्ला प्रहरी कार्यालय, कास्कीबाट खटिएको टोलीले उनलाई मंगलबार पक्राउ गरेकाे हाे ।

उनीमाथी ३१ र ३६ वर्षीया दुई महिलालाई विभिन्न डर, धम्की तथा प्रलोभन देखाइ बलात्कार गरेको आरोप छ ।

बामदेव सुवेदीलाई प्रहरीले किटानी जाहेरी आएको आधारमा पक्राउ गरेको हो।

प्रहरीले सुवेदीविरुद्ध करणीसम्बन्धी कसूरअन्तर्गत थप अनुसन्धान प्रक्रिया अगाडि बढाएको जनाएको छ ।