बर्दिवासमा एकै दिन १४ जनामा कोरोना संक्रमित थपिए

बर्दिवास - महोत्तरीको बर्दिवासमा कोरोना भाइरस संक्रमित हुनेको संख्या बढ्दो छ ।

हिजो मात्रै बर्दिवास नगरपालिकामा १४ जना संक्रमित भेटिएको थियो ।

जुन अहिले सम्मकै उच्च हो बर्दिवास वडा नं १२ मा ७ जना संक्रमित भेटिएको छ ।

त्यस्तै वडा नं १ मा पनि ७ जना नै संक्रमित भेटिएको बर्दिवास नगरपालिकाका मियर बिदुर कार्कीले वर्णन मिडियालाई जानकारी दिनुभयो ।

बर्दिवास नगरपालिकामा हालसम्म ४०० भन्दा माथि पिसिआर परिक्षण गरिएको मियर कार्कीले बताउनु भयो ।

एक दिनमा ४०, ४२ जनाको परिक्षण गरिएको छ । संक्रमितहरुमा कुनैपनि लक्षण देखापरेको छैन् ।

उनीहरु आफ्नै होम क्वारेनटाइनमा रहेको मेयर कार्कीले जानकारी दिनुभयो ।

अहिले बर्दिवासमा निषेधाज्ञा जारी छ । १० गते राती १२ बजेबाट १५ गते सम्म निषेधाज्ञा गरिएको छ ।