भुटानलाई नेपालले दियाे ११४ रनकाे लक्ष्य

काठमाडौं । मलेसियामा भइरहेको एसिसी प्रिमियर कपमा भुटानविरुद्ध नेपालले ११४ रनको मध्यम योगफल तयार गरेको छ ।

मलेसियामा टस हारेर ब्याटिङको निम्तो पाएको नेपालले २० ओभर अन्तिम बलमा सबै विकेट गुमाएर ११३ रनमा समेटियो ।

नेपालका लागि सिता राना मगर २८ बलमा सर्वाधिक ३७ रन बनाउँदै आउट भइन् । सिताले आठौं विकेटका लागि रुविना क्षेत्रीसँग मिलेर ३१ बलमा ४० रनको महत्वपुर्ण साझेदारी गरिन् ।

रुबिना २१ बलमा २४ रन बनाउँदै आउट भइन् । सोनी पाख्रीन १३ तथा सम्झना खड्का १० रनमा आउट भइन् ।

भुटानका लागि छिरिङ ज्याङ्बो र सोनामले समान ३, कप्तान अञ्जु गुरुङले २ तथा रित्शी चोदेन र रिया प्रधानले १ विकेट लिइन् ।