होर्मुज जलमार्गमा समुद्री विस्फोटक पदार्थ हटाउने तयारीमा बेलायती नौसेना

काठमाडौं । बेलायतको नौसेनाले होर्मुज जलमार्गमा बिछ्याइएका विस्फोटक पदार्थहरू हटाउने तयारी गरिरहेको छ । तर, यसका लागि अहिले शान्ति सम्झौताको पर्खाइमा रहेको छ । 

जिब्राल्टरमा रहेको बेलायती जहाज ‘आरएफए लाइम बे’मा सयौँ सैनिकहरू आवश्यक सरसामानका साथ तयारी अवस्थामा छन् । 

अमेरिकी राष्ट्रपति डोनाल्ड ट्रम्पले सहयोगी राष्ट्रहरूलाई इरानविरुद्धको कारबाहीमा थप सहयोग गर्न आग्रह गरेका छन् । इरानका कारण होर्मुज जलमार्गमा जहाजहरूको आवतजावत प्रभावित भएको छ, जसले गर्दा तेल र ग्यासको आपूर्तिमा असर पर्नुका साथै यिनीहरूको मूल्य समेत बढेको छ ।

बेलायतका रक्षामन्त्री एल कान्र्सले बेलायत र फ्रान्स मिलेर यस क्षेत्रलाई सुरक्षित बनाउने तयारी गरिरहेको जानकारी दिएका छन् । यस कार्यका लागि जहाजहरूमा हतियार तथा समुद्रभित्र सुरुङहरू पत्ता लगाउने ड्रोनहरू जडान गरिँदै छ । राष्ट्रपति ट्रम्पले इरानसँगको सम्झौता लगभग तय भइसकेको भए पनि अझै अन्तिम निर्णय हुन बाँकी रहेको बताएका छन् । 

रक्षामन्त्री कान्र्सले युद्ध सुरु भएयता करिब ६ हजार जहाजहरू यस जलमार्गबाट आवतजावत गर्न नपाएको बताए । उनले इरानले बिछ्याएका समुद्री विस्फोटक पदार्थका कारण विभिन्न प्रकारका गम्भीर खतराहरू पैदा हुन सक्ने उल्लेख गरे ।