बुधबार, कार्तिक ०६, २०७६ | Wednesday, October 23, 2019

काठमाडौँ
प्रधानमन्त्री ओली बिहीबार बाकु प्रस्थान गर्दै   * नेपालमा चिनियाँ प्रभाव बढेको अमेरिकाको टिप्पणी   * घर भत्किँदा घाइते भएका तामाङको मृत्यु   * सलमान खानको ‘दबंग–३’को ट्रेलर सार्वजनिक (भिडियो)   * आफु भारतीय नागरिक भएको पुष्टि गर्न देवेन्द्रराज कडेलको चुनौति   * उपत्यकामा बेचिने बोत्तलको पानीमा लेदो भेटियो   * महराको मुद्धा सरकारी वकिलले नै फिर्तालिनु पर्ने अवस्थामा   * काठमाडौंको तारकेश्वर ३ मा विद्यालयको बरण्डा भत्किँदा ४२ विद्यार्थी घाइते   * राष्ट्रिय गौरवका आयोजनामा प्रधानमन्त्रीको एक्सन रुमबाटै निर्देशन   * धितोपत्र बजारः परिसूचक झण्डै आठ अङ्कले बढ्यो   *
बुधबार, कार्तिक ०६, २०७६ Wednesday, October 23, 2019
अर्थ वाणिज्य

कृषकको आयस्तर बृद्धि गर्न दोलखामा आलु महोत्सब हुने

२५-आश्विन-२०७६ | ०८:१२:५५ pm

दोलखा , बर्णन संवाददाता । दोलखाको मेलुङ गाँउपालिकाले यसै बर्ष आलु महोत्सव आयोजनामा गर्न लागेको छ । बार्षिक एक करोड भन्दा बढीको आलु उत्पादन र बिक्रि वितरण गर्दै आलुका उपभोक्ता माझमा लोकप्रियता हासिल गर्दै आएको मेलुङ गाँउपालिकामा आधुनिक प्रविधिबाट स्वास्थ्यबद्र्धक र गुणस्तरयुक्त दृष्टिले उपयुक्त मानिएको अग्र्यानिक आलु उत्पादन गर्दै आएका कृषकहरुलाई प्रोत्साहित गर्दै उनीहरुको आयस्तर बृद्धि गर्ने उदेश्यले मेलुङ आलु महोत्सव २०७६ आयोजना गर्न लागिएको गाँउपालिका प्रमुख नरबहादुर श्रेष्ठले सो सम्वन्धी एक पत्रकार भेटघाट कार्यक्रममा जानकारी गराए ।

समुन्द्री सतहबाट सात सय ३० मीटर देखि ३३ मीटरसम्मको उचाई रहेको मेलुङ गाँउपालिका वडा नम्बर ३ को भुमेस्थान, काडेँ, बाटुले, वडा नम्बर ४ को फुर्के सल्ला, तीतेचौर, सहरे, लहरे, माथिल्लो दम्बुवा, सरङ्थली तथा वडा नम्बर ५ को दुधिले, भङ्ज्याङ, कल्छे, डाँडाखर्क र कात्तिकेमा अत्यधिकमात्रामा बर्षे आलु उत्पादन हुने र त्यसको उचित व्यवस्थापन तथा बजार प्रबद्र्धनका लागि आलु महोत्सव महत्वपूर्ण उपलव्धिमूलक हुने गाँउपालिका प्रमुख श्रेष्ठ विचार व्यक्त गरे। त्यसैगरी गाँउपालिका वडा नम्बर १ अन्तर्गत पर्ने पवटी, वडा नम्बर २ को सुकाठोकर, वडा नम्बर ४ को धनुके र थामीडाँडा, वडा नम्बर ७ को ज्यामीरे, गर्भे र सितली, वडा नम्बर ६ को सिम्रास र निकासीमा हिउँदे मौसमी आलुको राम्रो उत्पादन हुने गरेको गाँउपालिका प्रमुख श्रेष्ठ जानकारी दिए ।

दुई दिनसम्म सञ्चालन हुने आलु महोत्सवले मेलुङ गाँउपालिकालाई आलुमा आत्मनिर्भर बनाउन सहयोग पुग्ने, प्राङ्गारिक आलु उत्पादनमा टेवा पुग्ने, आलु उत्पादन हुने स्थानहरुमा परम्परागत तथा आधुनिक भण्डारन निर्माणमा सहयोग पुग्ने, सामुहिक खेती प्रणालीको सुरुवात हुने, व्यवसायीक पशुपालन कार्यक्रम प्रवद्धन हुने, आलुको ग्रेडीङ, लेभलिङ र प्याकेजिङमा सहयोग पुग्ने, नीजि, सरकारी र सहकारीको सहयोगमा गाँउपालिका बाहिर समेत बिक्रि केन्द्र स्थापना हुने अपेक्षा गरिएको गाँउपालिकाले जनाएको छ ।

आगामी २०७६ कार्तिक १ र २ गते सञ्चालन हुने आलु महोत्सव २०७६ को अवसरमा बिभिन्न सांस्कृतिक झाँकिहरुको प्रर्दशन, स्थानिय तथा राष्ट्रिय कलाकारहरुको प्रस्तुति, आलुको बिभिन्न परिकारहरुको स्टल, मौसमी तथा बेमौसमी तरकारीहरुको स्टल र मेलुङ गाँउपालिकाको बिभिन्न ठाँउका तस्विरहरुको प्रर्दशन गरिने वडा अध्यक्ष एवं मेलुङ गाँउपालिकाका प्रवक्ता हिरा थोकरले बताउनुभयो ।

गाँउपालिकाका अधिकांश वासिन्दा कृषिमा निर्भर रहेको र बर्षा याममा आलु अत्यधिक उत्पादन हुने भएपनि भण्डारन तथा बजार ब्यवस्थापनको समस्याले कृषकहरु समस्यामा पर्ने भएकोले मेलुङ आलु महोत्सवको आयोजना गरिएको प्रवक्ता थोकर बताउनु हुन्छ । महोत्सवले आलुको भण्डारन, बजारीकरण र प्रवद्धनमा महत्वपूर्ण टेवा पुग्न सक्ने गाँउपालिकाको अपेक्षा रहेको पनि प्रवक्ता थोकर बताउनु हुन्छ ।

Leave a Reply

सम्बन्धित समाचार