विश्वकप २०२६: उत्कृष्ट गाेलकिपरकाे हाेडमा काे-काे रहनेछन् ?

विश्व फुटबलको सबैभन्दा ठूलो प्रतियोगिता फिफा विश्वकप २०२६ सुरु हुनै लाग्दा उत्कृष्ट गोलकिपर अर्थात् ‘गोल्डेन ग्लोभ’ जित्ने खेलाडीबारे पनि व्यापक चर्चा भइरहेको छ। यसपटक ४८ टोली सहभागी हुने भएकाले गोलकिपरहरूको भूमिका झन् महत्वपूर्ण हुने अपेक्षा गरिएको छ। 

गोल्डेन ग्लोभको दौडमा सबैभन्दा अगाडि अर्जेन्टिनाका ड्यामियन एमिलियानो मार्टिनेजलाई राखिएको छ। कतार विश्वकप २०२२ मा गोल्डेन ग्लोभ जितेका मार्टिनेज पेनाल्टी बचाउने क्षमता, नेतृत्व र ठूला खेलमा दबाब झेल्ने क्षमताका कारण फेरि एकपटक प्रमुख दाबेदार मानिएका छन्। 

फ्रान्सका माइक मेगन  पनि बलिया प्रतिस्पर्धी हुन्। पछिल्ला वर्षहरूमा क्लब र राष्ट्रिय टोली दुवैतर्फ उत्कृष्ट प्रदर्शन गरेका माइग्नानको प्रतिक्रिया क्षमता र खेल पढ्ने कौशलले उनलाई गोल्डेन ग्लोभको प्रमुख दाबेदार बनाएको छ। 

ब्राजिलका अलिस्सन बेकरलाई धेरैले विश्वकै सर्वश्रेष्ठ गोलकिपरमध्ये एक मान्छन्। एक–विरुद्ध–एक अवस्थामा उनको प्रदर्शन असाधारण छ। ब्राजिल उपाधिको बलियो दाबेदार रहेकाले एलिसनले धेरै क्लिनसिट राख्न सके गोल्डेन ग्लोभ जित्ने सम्भावना उच्च छ। 

बेल्जियमका थियाबाउट कोर्टुआ पनि यो सूचीमा अग्रस्थानमा छन्। विश्व फुटबलका उत्कृष्ट गोलकिपरमध्ये गनिने कोर्टुवा आफ्नो उचाइ, रिफ्लेक्स र हवाई बल नियन्त्रणका कारण चर्चित छन्। धेरै विश्लेषणहरूले उनलाई विश्वकप २०२६ का शीर्ष गोलकिपरमध्ये राखेका छन्।