कानुन र विकास निर्माणका कार्यलाई सँगै लैजानुपर्ने बाध्यता सांसदसँग छः सांसद शान्ति चौधरी
![](https://snowberry.prixacdn.net/media/gallery_folder/Screenshot%25202024-02-26%2520121252_9hT2dOz9kL_ujkhzrac7dmqlnfuwmdy6yc42f89jxcxpkcf69dauoouioxo6uloaokf7m2h_piwxRaQsp8_45k7dhvk4prynvqhrrooloqoycqdxlcai0zfntmuoibel2jdfx29hmwmuq3p.png)
काठमाडौँ, १४ फागुन : सङ्घीय संसद्लाई गतिशील तुल्याउने र बिजनेस दिने प्रमुख जिम्मेवारी सरकारको हो । तर यहाँ प्रतिपक्षले सदन चल्न दिएन भनेर उल्टै आरोप लगाउने चलन छ ।
प्रतिपक्षको प्रमुख जिम्मेवारी भनेको सरकारका कामको निगरानी गर्ने, सचेत गराउने र सुझाव दिने हो । प्रतिपक्षले असल नियतले दिएका सुझावलाई पनि सरकारले बेवास्ता गरिरहेको देखिन्छ । अहिले पनि सरकार एकपक्षीय ढङ्गबाट अघि बढेकोे अनुभव भइरहेको छ ।
संसद्मा मेरो प्रवेश यो पहिलोपटक हो । यसबीचमा संसदीय अभ्यास सिक्ने र अनुभव गर्ने कार्य भइरहेको छ । मेरो अनुभवमा संसदीय अभ्यास जुनरुपले अघि बढ्नुपर्ने थियो, त्यो हुन सकेन भन्ने लाग्छ । मुलुकको सन्तुलित विकासका लागि तर्जुमा गर्नुपर्ने बजेटसमेत अर्थमन्त्री र अरु प्रभावशाली मन्त्री, सांसदका जिल्ला र निर्वाचन क्षेत्रमा खन्याउने प्रवृत्ति छ ।
देशको समन्यायिक विकासमा कसैको पनि ध्यान देखिन्न । बजेट केबल आफ्नो निर्वाचन क्षेत्रमा मात्र केन्द्रित गर्नु भनेको राज्यकोषको दुरुपयोग पनि हो । उहाँहरुजस्तै हामी जनप्रतिनिधिले दिएका सुझाव बजेट विनियोजनमा कार्यान्वयन भएन । मेरो गृह जिल्ला बर्दियामा तुलनात्मकरुपमा कम बजेट विनियोजन गरिएको छ ।
सांसदको मुख्य जिम्मेवारी कानुन निर्माण भए पनि समाजको बुझाइ बेग्लै छ । चुनावका बेला जनतासँग गरिएको विकास निर्माणका प्रतिबद्धता पूरा गर्नुपर्ने हाम्रो बाध्यता छ । त्यसबेला योजना देखाएर त्यो पुरा गर्न पहल गर्छु भनी वचन दिइयो । अहिले निर्वाचन क्षेत्रका पूर्वाधार विकास र कानुन निर्माणको जिम्मेवारीलाई सँगसँगै लैजानुपर्ने बाध्यता छ ।
कानुन निर्माणको मुख्य जिम्मेवारी भए पनि हालसम्म कुनै मतदाताले तपाईंले कानुन कतिवटा बनाउनुभयो भनी प्रश्न गर्नुभएको छैन । बरु जिल्ला र निर्वाचन क्षेत्र विकासबारे सदनमा कति कुरा राख्नुभयोे भनि थुप्रै मतदाताले जिज्ञासा राख्नुहुन्छ ।
देशका प्रमुख तीन राजनीतिक दल नेपाली कांग्रेस, नेकपा९एमाले० र नेकपा ९माओवादी केन्द्र० कै पहलमा ठूला राजनीतिक परिवर्तन भए । उपलब्धिका रुपमा नयाँ संविधान जारी, गणतन्त्र स्थापना, धर्मनिरपेक्ष, सङ्घीयता, समानुपातिक र समावेशिताजस्ता नयाँ विषयवस्तु प्राप्ति भयो । प्राप्त यी उपलब्धिलाई संस्थागत गर्न प्रमुख शक्तिबीच एक पटक पुनः न्यूनतम साझा सहमति हुनुपर्छ । नेतृत्व तहमा त्यसका लागि परामर्श र छलफल निरन्तर गरिनुपर्छ ।
भ्रष्टाचार नियन्त्रण र सुशासन
कतिपय राजनीतिक दल जनतालाई अल्मल्याएर सुशासन र भ्रष्टाचाररहित समाज निर्माणका कुरा गरिरहेको पाइन्छ । लामो समयदेखि भ्रष्टाचार नियन्त्रण र सुशासन प्रत्येक दलको चुनावी एजेण्डा बन्दै आए तापनि कार्यान्वयनको पाटो अत्यन्त फितलो छ ।
मुलुकमा देखिएको दण्डहीनता, विकृति र विसङ्गतिले भ्रष्टाचारलाई मलजल गरेको छ । भ्रष्टाचारको अवस्था हेर्दा नीति नियम नै बनाएर प्राथमिकतामा राखिएको होकीजस्तो भान हुन्छ । नीतिगत भ्रष्टाचार यहाँ निकै डरलाग्दो देखिन्छ । यो लामो समयदेखिकै रोग हो । धेरै पटक सरकारमा जाने व्यक्ति कुनै न कुनै भ्रष्टाचारको काण्डमा मुछिएको देखिन्छ । भ्रष्टाचारमा संलग्न जो कोहीलाई पनि कानुनी कारबाहीको दायरामा ल्याउनुपर्छ । वर्तमान सरकारले त्यसका लागि केही कदम चालेको जस्तो देखिएको छ । अनुसन्धानमा पार्टीका आफ्नै मानिस पर्ने देखेर होकी कार्यान्वयनमा दृढता देखिन्न । साँच्चिकै भ्रष्टाचार अन्त्य र सुशासन प्रवद्र्धन गर्ने हो भने जुनसुकै नेता होस् वा जुनसुकै ओहदामा रहेको कर्मचारी नै किन नहोस् दण्डित गर्नुपर्छ ।
बर्दिया खेतीपाती र अन्न उत्पादनका हिसाबले अग्रणी जिल्ला हो । यहाँका अधिकांश जनता कृषिमै निर्भर छन् । त्यहाँको जमिन उत्पादनका हिसाबले उर्वर छ । वर्षमा तीन बाली लाग्छ । अझै केही ठाउँमा सिँचाइ समस्या छ । जिल्लाको प्रमुख समस्या नदी कटान तथा मानव र जनावरबीचको द्वन्द्व हो ।
राष्ट्रिय निकुञ्जसँग जोडिएको मध्यवर्ती क्षेत्रमा बर्सेनि सात, आठ जनाको जङ्गली जनावरको आक्रमणबाट ज्यान जाँदैआएकोछ । त्यस क्षेत्रमा सडक विस्तार गरौँभन्दा निकुञ्ज पर्छ मिल्दैन भनिन्छ । हाम्रो प्रश्न छ, जनता ठूलो हो कि जङ्गल र जनावर रु पचास वर्ष पुरानो वन ऐनलाई देखाएर अब काम नगरौँ । जनतालाई सहज हुने गरी नयाँ कानुन बनाऔँ ।
युवाको विदेश पलायन
युवाको विदेश पलायन रोक्न सरकारले विशेष ध्यान पु¥याउनुपर्छ । राजनीतिक नेतृत्व तह र उच्च प्रशासकमा बोल्ने र गर्ने व्यवहार फरक छ । स्वदेशमा रोजगारी नभएपछि घरपरिवार पाल्न आर्थिक कमाइका लागि धेरै नेपाली दाजुभाइ र पछिल्लो समय दिदीबहिनीसमेत विदेश जानु परेको छ । यहाँको कमाइले घरपरिवार धान्न नसकेर उहाँहरु बाध्य भएर विदेश जानुपरेको हो । पार्टीका नेता र उच्च प्रशासककै सन्तानले पनि नेपाल छाडेका छन् ।
उनीहरु विदेशमा छन् । हरेक हिसाबले पहिले र अहिलेको अवस्था फरक छ । राज्यले जनतालाई रोजीरोटी, स्वास्थ्य, शिक्षाजस्ता आधारभूत विषयमा ध्यान पु¥याएमा मुलुकका होनाहार श्रम शक्ति बाहिर जाँदैन थिए । जनतामा पनि छोटो समयमै धनी हुने महत्वाकाङ्क्षाले पनि विदेश पलायनलाई मलजल गरेको छ ।
तर अहिले देशको अर्थतन्त्र विदेशमा जाने युवाले थेगेका हुन् । युवा रोजगारीमा विदेश गएका थिएनन् भने अर्थतन्त्र निकै चौपट भइसक्थ्यो । सहरमा बस्ने र गाउँमा बस्ने मानिसको आर्थिक अवस्था, आवश्यकता र क्षमता फरक छ । सहरमा रहने विदेश जाने, गाउँका मानिस सहर पस्ने एउटा स्वभाविक प्रक्रिया पनि हो । पढाइपछि रोजगारी नपाएर र घरपरिवार चलाउन बाध्य भएर थप अध्ययन र कामका लागि विदेश जानेको सङ्ख्या ह्वात्तै बढेको छ । राज्यले युवालाई रोजगारी दिलाउन र रोजगार बनाउन उद्योगधन्दा, कलकारखाना र विकासका आयोजना फटाफट अघि बढाउनुपर्छ ।
सांसद शान्ति चौधरीको परिचय
बर्दिया राजापुर–५ भौरा स्थायी बसोबास रहेकी सांसद चौधरी विसं २०५६ मा अखिल नेपाल महिला सङ्घ ९क्रान्तिकारी०मा सङ्गठित भई राजनीतिक यात्रामा प्रवेश गर्नुभएको हो । विसं २०५७ मा नेकपा ९माओवादी०को सदस्यता प्राप्त गर्नुभएकी उहाँ हाल नेकपा९एमाले० प्रदेश कमिटी सदस्य हुनुुहुन्छ । जिल्ला समन्वय समिति सदस्यको समेत अनुभव रहेकी एमाले नेत्री चौधरीसँग विभिन्न सहकारीमा नेतृत्व गर्दै अर्थ व्यवस्था सुदृढीकरणमा योगदान दिँदैआउनुभएको छ ।
(‘सांसदसँग रासस संवाद’मा राससका उपप्रमुख समाचारदाता नारायण न्यौपानेले गरेको कुराकानीको सम्पादित अंश)
![सिँचाइ र शिक्षामा गुणस्तर निर्वाचन क्षेत्रका प्राथमिकता हुन् : सांसद योगेन्द्र मण्डल](https://snowberry.prixacdn.net/media/gallery_folder/Screenshot%25202024-02-08%2520085326_YQUPNY5Bdq_gzhumx25hlwsqpbfvagsgcy46pi3puvrcssueximnk2a37sfcmajcd7ym1nu_q0jGBtZW4b_djb8sv9p7u900xrxuflk1u3srmkpghu8usiwpjgfwfu1oqqz7rqjjpyel7ju.png)
सिँचाइ र शिक्षामा गुणस्तर निर्वाचन क्षेत्रका प्राथमिकता हुन् : सांसद योगेन्द्र मण्…
![जनता राज्यप्रति बफादार र इमान्दार हुनुपर्छ : नेता अब्दुल खान](https://snowberry.prixacdn.net/media/gallery_folder/Screenshot%25202024-01-20%2520105200_xPvv0HNvfI_c0onjm54przbteh7uq6s6c9qowwez0xl4sljyiiupbhxz035vu07ftqfvpc6_xz8ezHReVp_hqjsnid63jmxu5u9hfvrf86w1rcvbkseqvffzm2qvmcrof0rrcljtilehtwu.png)
जनता राज्यप्रति बफादार र इमान्दार हुनुपर्छ : नेता अब्दुल खान
![संसद्को भूमिका प्रभावकारी बन्न सरकार पनि यसप्रति उत्तरदायी हुनुपर्छ - सभामुख घिमिरे](https://snowberry.prixacdn.net/media/gallery_folder/devraj-Ghimire-sabhamukh-scaled_SKlyLGCARX_ssh65rgjxgo4ebyrbpycsuhrxnmax0qwypzor5gnppjohvko562bbevxjncz_XP0wcYvwuE_xbrpus3rpgbjgotg5jpnzu9kpoeaawxwggmrvrvqrwcm2aqmfn9gstva4p43_F4tCISfdPZ_n6womkat6ynastrcvcrg6ifoc0rzpszpwpm7fvubjqfgpjo2u2dfhfnetx5e_ZwxoLZCyQR_qzfjzzmvkddk9g9kd8xj69xvjcf1jv3rekkin8f3gjaatlddtwjqqd9tll9h.webp)
संसद्को भूमिका प्रभावकारी बन्न सरकार पनि यसप्रति उत्तरदायी हुनुपर्छ - सभामुख घ…
![‘दलहरुले आफ्ना सांसदलाई प्रशिक्षण दिएर संसदमा पठाउनुपर्छ’: सांसद पाण्डे](https://snowberry.prixacdn.net/media/gallery_folder/Screenshot%25202023-12-09%2520085447_9n5HdKcqjB_mqshpxun8i53okorgldlfmyu89ehfn93wtyv2nqh22gtmkxbior77fwbil6d_0xt8ttsCR9_l1qsjxj28jhvytv90up02zkzywsoj6dt1epv0aakyeozppyumfkxgsng4g8c.png)
‘दलहरुले आफ्ना सांसदलाई प्रशिक्षण दिएर संसदमा पठाउनुपर्छ’: सांसद पाण्डे
![जनताका समस्या र चाहनाको सूची तयार गरौँ : नेत्री गुरुङ](https://snowberry.prixacdn.net/media/gallery_folder/rastriyasabhaa_P4H6TqFwJu_lak4oogjpxpl0ri5qflshtf8iix99asm4bfhnaydjoeaso6miuen7zhi5mol_wm2RUhayGz_jteobi00j39qgxcdj49mz6tcviekwwpm6kp8aiizqjhuvasxhqmrbvzftmnt.jpeg)
जनताका समस्या र चाहनाको सूची तयार गरौँ : नेत्री गुरुङ
![संसदमाथि सरकार हावी भयो : नेता देवकोटा](https://snowberry.prixacdn.net/media/gallery_folder/Screenshot%25202023-12-02%2520075140_SYa5dNsTOx_byyifgvqye3tpvpzzu7bxijdawo8cisykhppr5am4prgrylzlct98cx3tyzs_SoZHJ5fHFx_jnly4fnbw00napguizjbvriamoovt4m6wrqzgybfcjivrn1cnzn2scsrzcjf.png)
संसदमाथि सरकार हावी भयो : नेता देवकोटा
![संविधान दिवस– निर्वाचन र शासकीय प्रणाली फेर्नैपर्छ : पूर्वसभामुख घर्ती](https://snowberry.prixacdn.net/media/gallery_folder/TWRqqSG1SDiy0f1BftfhTpjjoFJxK8wiJRk197Fe_3HtYTkakO1_zgwlfilwhdxyrnyt1r4md4sjguek6zw0cf5ac79aodj2ojtcsexqxloehb4s.jpg)
संविधान दिवस– निर्वाचन र शासकीय प्रणाली फेर्नैपर्छ : पूर्वसभामुख घर्ती
![सांसदको काम निर्वाचन क्षेत्रमा बजेट थुपार्ने होइन : सांसद झा](https://snowberry.prixacdn.net/media/gallery_folder/38ImNBudjn5UqMLxDlE8pRv1bMFKIRDLbYzu9uri_rXIsphPQA2_geooc9wwenhv8vm8zvluc7mv1qzl9urwgqdgoxgluwbvfvzmph3chwmw20ij.jpg)
प्रतिक्रिया