बारीगाउँमा हेलिप्याड निर्माण

समस्यामा परेका नागरिकको तत्काल उद्धारका लागि नेपाली सेनाले हुम्लाको अदानचुली गाउँपालिका–५ को बारीगाउँमा रु १० लाखको लागतमा हेलिप्याड निर्माण गरेको छ । 
       
    सत्रु भन्जन गुल्म रानीवन ब्यारेकका गुल्मपति हरिबाबु श्रेष्ठले अदानचुली गाउँपालिकालाई हेलिप्याड हस्तान्तरण गर्नुभएको छ ।  शीघ्र प्रभावी आयोजनाअन्तर्गत उक्त हेलिप्याड निर्माण गरिएको हो ।  

हेलिप्याड निर्माण भएपछि यहाँका गर्भवती, सुत्केरी, अन्य बिरामी तथा बुढाबुढी वृद्धवृद्धालगायत बिरामीको उद्धारमा सहज हुने भएको गाउँपालिकाका अध्यक्ष मोहनविक्रम सिंहले बताउनुभयो ।