अन्तर्राष्ट्रिय विमानस्थलमा भएको आक्रमण र इरानको आरोपमा कुवेतले यसो भन्यो

बीबीसी फारसी सेवाका अनुसार कुवेतको स्वास्थ्य मन्त्रालयले कुवेत अन्तर्राष्ट्रिय विमानस्थलमा इरानी आक्रमणमा कर्मचारी र यात्रुसहित कम्तीमा ६३ जना घाइते भएको बताएको छ।

यसअघि कुवेतको विदेश मन्त्रालयले आक्रमणमा एक जनाको मृत्यु भएको बताएको थियो।

यसैबीच, कुवेतको रक्षा मन्त्रालयले इरानबाट प्रहार गरिएका १३ वटा मिसाइल र १७ वटा ड्रोनलाई रोकेर नष्ट गरेको बताएको छ।

इरानी आक्रमणबाट कुवेत अन्तर्राष्ट्रिय विमानस्थलको टर्मिनल १ भवन र धेरै कूटनीतिक स्थलहरूमा क्षति पुगेको छ।

इरानले अमेरिकाले आफ्नो माटोमा आक्रमण गर्न कुवेती भूभाग प्रयोग गरिरहेको र यसको लागि कुवेती सरकारलाई जिम्मेवार ठहराएको बताएको छ।

साथै, कुवेतले इरानको यी आरोपहरूलाई अस्वीकार गरेको छ।

बीबीसी फारसी सेवाका अनुसार कुवेतका उपविदेशमन्त्री हमाद सुलेमान अल-मशानले "कुनै पनि देश विरुद्ध कुनै पनि शत्रुतापूर्ण कारबाहीको लागि कुवेतको भूमि वा हवाई क्षेत्रको प्रयोग" लाई स्पष्ट रूपमा अस्वीकार गरे।

उनले जोड दिए, "इरानका दाबीहरू झूटा र आधारहीन छन् र यससँग कुनै विश्वसनीय प्रमाण वा कागजातहरू छैनन्।"