काभा महिला क्लब च्याम्पियसिप : नेपाल पुलिस क्लबको लगातार तेस्रो जित

नेपाल पुलिस क्लबलले काभा महिला क्लब च्याम्पियसिपमा लगातार तेस्रो जित हासिल गरेको छ।

माल्दिभ्सको मालेमा जारी प्रतियोगितामा मंगलबार पुलिसले ताजकिस्तानको डाइमेड भलिबल क्लबविरुद्ध ३–० को सोझो सेटमा जित हासिल गरेको हो।

पुलिसले पहिलो सेट २५–१५, दोस्रो सेट २५–१२, तेस्रो २५–१४ ले आफ्नो पक्षमा पार्यो।यसअघि पुलिसले उज्वेकिस्तानको हुमो भलिबल क्लब र श्रीलंकाको श्रीलंका एयर फोर्सलाई समान ३-० को सेटमा पराजित गरेको थियो ।

पुलिसले चौथो खेलमा बुधबार माल्दिभ्सको क्लब वाम्कोको सामना गर्नेछ ।