अदालतका बहस प्रत्यक्ष प्रसारण गर्न माग राख्दै दायर भएको रिटमा सर्वोच्चकाे कारण देखाउ आदेश
अदालतका बहस प्रत्यक्ष प्रसारण गर्न माग राख्दै दायर भएको रिटमा सर्वोच्च अदालतले कारण देखाउ आदेश जारी गरेको छ ।
सोमबार न्यायाधीश कुमार रेग्मीको एकल इजलासले कारण देखाउ आदेश आदेश जारी गर्दै दायर रिटलाई अग्राधिकार समेत दिएको हो । अबको १५ दिनभित्रमा सर्वोच्च अदालतको प्रशासन महाशाखाले प्रत्यक्ष प्रसारण नगर्नुको कारण देखाउनु पर्ने छ । यसका लागि १५ असोजमा साधारण तारेख तोकिएको छ । सोमबार मात्रै कानुनका दुई विद्यार्थी अनिलकुमार साह र विवेक चौधरीले अदालतका बहसहरूको प्रत्यक्ष प्रसारण गर्नुपर्ने माग राख्दै सर्वोच्च अदालतमा रिट दायर गरेका थिए ।
न्यायिक प्रक्रियालाई जनताको पहुँचसम्म पुर्याउन अदालतमा प्रत्यक्ष प्रसारण आवश्यक भएको तर्क उनीहरूको छ । यसले न्यायिक पारदर्शिता कायम हुने तथा नागरिकलाई न्यायिक प्रक्रियामा प्रत्यक्ष सहभागिता जनाउने अवसर दिने उनीहरूको भनाई छ ।
प्रतिक्रिया