रत्नेचौर–भकुण्डे–भकिम्ली सडक स्तरोन्नति हुँदै
![](https://snowberry.prixacdn.net/media/gallery_folder/sadk2024-02-05-12-54-48_9URqncDcmo_cffzmvkhiv8giir4x4tpqpktyzntfebfq0tcex1edlngd62ryjrxirfvdzdp_UTBpZgtz4u_krel3plzxgzckfruxmmgvn9wjmuqko6vfn1rw6ba9tbzbjk8ovj0rfqzznpl.jpeg)
काठमाडौँ, १ असार : बाटो खुलेको २५ वर्षपछि म्याग्दीकोे रत्नेचौर–भकुण्डे–भकिम्ली नौ किलोमिटर सडक स्तरोन्नति तथा कालोपत्र गर्ने कामले गति लिएको छ । अर्थ मन्त्रालयले बजेट पठाउन ढिला गरेका कारण गत पुसदेखि फागुनसम्म करिब तीन महिला सुस्त गतिमा हुँदै आएको थियो । सडक स्तरोन्नतिको काम फागुन अन्तिम साता अर्थ मन्त्रालयले बजेट पठाएपछि तीव्र रुपमा सञ्चालन भई अहिलेसम्म ५५ प्रतिशत काम पूरा भएको हो ।
विसं २०५६ मा बाटो खोलिएको बेनी नगरपालिका–१, २ र ३ का बासिन्दाले प्रयोग गर्ने उक्त सडक ‘एक निर्वाचन क्षेत्र एक सडक’ आयोजनाअन्तर्गत भौतिक पूर्वाधार मन्त्रालयले स्तरोन्नति तथा कालोपत्रको काम थालेको हो । सडक निर्माणका लागि विसं २०७९ भदौ ६ गते गजेन्द्र–नयाँबाटो जेभी र सडक डिभिजन कार्यालय बागलुङबीच भ्याटबाहेक रु २३ करोड ३२ लाखमा ३० महिनामा निर्माण सक्नेगरी ठेक्का सम्झौता भएको थियो ।
निर्माण कम्पनीका सञ्चालक अरुण सेढाइँका अनुसार २०८१ चैत मसान्तसम्म निर्माण सम्पन्न गरिसक्ने सम्झौताअनुसार अहिले काम भइरहेको छ । “सडक स्तरोन्नति तथा कालोपत्र योजनाको ५५ प्रतिशत काम पूरा भएको छ,” ठेकेदार कम्पनीका सञ्चालक सेढाइँले भन्नुभयो, “अहिले तीन फेसमा काम भइरहेको छ, ढाँडखर्क, भकुण्डे र तमाने क्षेत्रमा सडक चक्लाउने, पर्खाल लगाउने र नाली बनाउने काम अन्तिम चरणमा पुगेको छ ।”
आगामी पुससम्म स्तरोन्नतिका सम्पूर्ण काम सम्पन्न गरेर माघदेखि कालोपत्र गर्ने योजना रहेको उहाँले बताउनुभयो । “सडकलाई नौ मिटर फराकिलो बनाएर सात किलोमिटर डिबिएसडी प्रविधिको कालोपत्र र दुई किमी आरसिसी ढलान गर्ने सम्झौता भएको हो, निर्धारित समयमा नै सडकको काम सकेर सडक डिभिजन कार्यालयलाई सडक हस्तान्तरण गर्ने योजनका साथ काम गरिरहेका छौँ,” सेढाइँले भन्नुभयो ।
घुम्ती तथा मोड सुधार र ग्रेड मिलाउने काम पनि सकिएको उहाँले बताउनुभयो । हाल चारदेखि पाँच मिटर फराकिलो सडक हिउँदमा धुलाम्मे र हिउँदमा हिलाम्मे हुने समस्या थियो । सङ्घीय सरकारले प्रत्यक्ष निर्वाचित सांसदको सिफारिसमा सबै निर्वाचन क्षेत्रमा एक÷एकवटा रणनीतिक महत्वको सडक आयोजना सञ्चालन गर्न रु ४०÷४० करोड विनियोजन गरेको थियो ।
पहिलो चरणमा उपल्लाचौरदेखि नौ किलोमिटर दूरीमा पर्ने बेनी नगरपालिका–३ तोराखेतसम्म कालोपत्र गर्ने लक्ष्य रहेको छ । सङ्घीय सरकारकै बजेटबाट सडकको प्रवेशविन्दुमा पर्ने रत्नेचौरदेखि उपल्लाचौरसम्म एक किमी तीन सय मिटर कालोपत्र र तीन सय मिटर सडक ढलान गरिएको थियो । यसैगरी भकिम्ली–बरङ्जा–अर्मनको किमचौर हुँदै ताराखोलासम्म मार्ग खोलिसकिएको छ ।
![शिक्षामा दलीय राजनीति रोक्ने निर्णयबाट पछि हट्दिनँ: मन्त्री श्रेष्ठ](https://snowberry.prixacdn.net/media/gallery_folder/nnnnnnnnnnnnnnnnn_xKhLKRRaiw_qb7sdniyxouylgrv2a2p3b8um7x3zh3oc2hdtqtnseiri5cabnppbi4j15ca_mIVblqESnG_zxgcseq9sjcge7r8rxbhdzkvdo5fpbeh1faukq9f6tfnko83kfo1lrfgk1ti.jpg)
शिक्षामा दलीय राजनीति रोक्ने निर्णयबाट पछि हट्दिनँ: मन्त्री श्रेष्ठ
![किशोरीहरुलाई विद्यालयमै आत्मरक्षा तालिम](https://snowberry.prixacdn.net/media/gallery_folder/jjjjjjjjjjjjjjjjjjjjjjjjjjjjjjjjjjjjjjjjjjj_nDK67uQLrF_8ejv7vsqq9euwmerdakn1dur47agyli5lba44cj93ofzl7sxsz9j9s4e62hj_WkirwxT9pW_6xawckkljmww5ri3ybf2uqnkxiv7inkkrbz0iorts9y4uz0qupzqqrcxfztp.jpg)
किशोरीहरुलाई विद्यालयमै आत्मरक्षा तालिम
![भौतिक पूर्वाधा तथा यातायात मन्त्रालयको बजेट पुनर्लेखन गर्न सरकारसँग सांसद खान माग](https://snowberry.prixacdn.net/media/gallery_folder/20230618075105_1dg785g2zS_r0i0chdvqpmuiazpoyvilkevuymr7vl6wuvaywqqwwhuw940hywuthmj7bjz_TGPiNoWlCj_siu3wbaii33egrdrylaiskorcgfjgqd7v5kp9dvltgzm9xjyumqffngsdvd2.jpg)
भौतिक पूर्वाधा तथा यातायात मन्त्रालयको बजेट पुनर्लेखन गर्न सरकारसँग सांसद खान…
![‘महानायक’ राजेश हमाल ‘राठीकोल’को ब्रान्ड एम्बासडर नियुक्त](https://snowberry.prixacdn.net/media/gallery_folder/RATHICOL%2520PRESS%2520MEET%2520SIGING%2520PHOTO%25201_OdcFo62KOJ_nsjc5soornejqvkxwydybx1trv5ruwezlhan5esxvapp1y3xuygsonqemjqy_rXLckYckqY_koevjtwhd14ukujhhvsg3qwinvveog1hsbaaxykx5mezgazrkye0ybb4fggs.jpg)
‘महानायक’ राजेश हमाल ‘राठीकोल’को ब्रान्ड एम्बासडर नियुक्त
![अतिथिलाई काँक्रा उपहार, गलामा दुबोको माला](https://snowberry.prixacdn.net/media/gallery_folder/ooooooooooooooooooooooooooooooo_Sq6sCMqhEv_gcrhmqigrq2fj0dmtbh4m8ihenggwbvrsaoslfqugof4hao0rrhwnrwuydpb_ogREVvepDa_zlizlp4rowymrg8dvwuk4psxd3a6ru4ffew7ho8a9gskp7q2rv72ecc5nv9g.jpg)
अतिथिलाई काँक्रा उपहार, गलामा दुबोको माला
![अवैध लागूऔषध खैरो हेरोइनसहित दुई जना पक्राउ](https://snowberry.prixacdn.net/media/gallery_folder/gaja-pakrau_9ohZUD68J6_czjt9vh9qiqalhsozmwlv3zcwlik9kekyhrpqaaknc3omxfrtkdtfr0ktm1h_B1soKoJaCF_rofz3vu2rdnxxw8dnyt1cmrwoipdklffyqg4jl4m3t6w7v4qripvrbhhdbgi.jpg)
अवैध लागूऔषध खैरो हेरोइनसहित दुई जना पक्राउ
![२ सय ७० किलोग्राम गाँजासहित एक जना पक्राउ](https://snowberry.prixacdn.net/media/gallery_folder/gaja-pakrau_2woVHbOjnB_9u5cpuyekjhuacsauwrsbb63o8x5ybewsrgwq4w4ajgrovzbmzqxeoldtaq6_LltfvqdH26_2qbhxjoubuthdgpcn5oviwledh8clserwiwa6jfcxxxe595e57wzzakfvfqm.jpg)
२ सय ७० किलोग्राम गाँजासहित एक जना पक्राउ
![रौतहटमा श्रीमतीको हत्या आरोपमा एक पक्राउ](https://snowberry.prixacdn.net/media/gallery_folder/thumb_ZHPLtHkzDt_txo3wkaous3oj1ftzuhhgaekptpbha5cd1q9fqi5fmpzcuyslxtqpxhbyeub_Nvg4Fby6h7_cu4mj2kt8ieuqhgcdrkrolwrrojz8ycytxs4po9rojsthctfbchidfsiakjb.jpeg)
प्रतिक्रिया