थारु भाषा संरक्षण गर्न साझा मानक भाषा बनाउनुपर्छ: मन्त्री चौधरी
काठमाडौँ, १ असार । महिला, बालबालिका तथा ज्येष्ठ नागरिक मन्त्री भगबती चौधरीले थारु भाषा, संस्कृतिको संरक्षण गर्न साझा मानक भाषा बनाउनुपर्ने बताउनुभएको छ ।
थारु कल्याणकारी सभा केन्द्रीय समितिले आदिवासी जनजाति उत्थान राष्ट्रिय प्रतिष्ठानको सहयोगमा आज काठमाडौँमा आयोजना गरेको "थारु भाषा संस्कृति सम्बन्धी अन्तरक्रिया कार्यक्रम"लाई सम्बोधन गर्दै मन्त्री चौधरीले त्यस्तो बताउनुभएको हो ।
संस्कार संस्कृतिको रक्षा गर्नु सबैभन्दा पहिले सोही समुदायको दायित्व बढी हुने भन्दै उहाँले त्यसपछि राज्य र समाजको हुने बताउनुभयो ।
थारु जाति भाषा, संस्कृति, संस्कारले सम्पन्न तराईको आदिवासी भएको भन्दै उहाँले ती कुराको संरक्षण गर्नु आवश्यक रहेको बताउनुभयो । ठाउँ अनुसार केही केही शब्दहरू फरक रहने गरेको भन्दै मन्त्री चौधरीले भाषाको संरक्षणका निम्ति ती कुराहरूमा एकरूपता ल्याउन मानक भाषा बनाउनै पर्ने बताउनुभयो ।
'भाषा नरहेमा त्यो जातिको अन्य कुराहरू बिस्तारै हराउँदै जान्छन् । त्यसैले हामीले भाषाको संरक्षणलाई प्राथमिकता दिनुपर्छ । थारु भाषाको लिपिको विषयमा पनि एउटा निष्कर्ष निकाल्न आवश्यक छ', मन्त्री चौधरीले भन्नुभयो, 'भाषा संरक्षण गर्न सबैको भूमिका उत्तिकै हुनुपर्छ । ठाउँअनुसार भाषामा केही केही कुरामा भिन्नता छन् । तथापि हामीले त्यसलाई मानक भाषाका रूपमा एकरूपता ल्याउन आवश्यक छ । त्यो एकदमै जरुरी छ ।'
उहाँले थारु जातिभित्रको भाषा, संस्कार, संस्कृतिभित्रको विविधतालाई पनि कसरी एकरूपता खोज्ने भन्ने कुरामा ध्यान दिन आवश्यक रहेको बताउनुभयो ।
सोझो जातिको रूपमा चिनिने थारु जातिलाई विगतमा सोझोपनको फाइदा उठाएर जमिनदारबाट सुकुम्वासी बनाएको उदाहरण दिँदै उहाँले आर्थिक गतिविधि पनि बढाउनुपर्ने बताउनुभयो । 'हामी अब आर्थिक गतिविधिमा बढी भन्दा बढी सहभागी हुनै पर्छ । किनभने जो आर्थिक गतिविधिमा सहभागी नै हुँदैन त्यो कसरी सम्पन्न बन्न सक्छ ?', उहाँले भन्नुभयो, 'अन्य समुदायसँग घुलमिल नहुँदासम्म आर्थिक गतिविधिमा वृद्धि हुँदैन । जसले गर्दा गरिबी न्यूनीकरण पनि हुन सक्दैन ।'
मन्त्री चौधरीले जन्मदेखि मृत्यु पछिसम्मको संस्कारको संरक्षण गर्न सबैले विशेष ध्यान दिनुपर्ने बताउनुभयो ।
त्यस्तै उहाँले विभिन्न बहानामा थारु जातिलाई फुटाउने कोसिस भइरहेको भन्दै फुटलाई रोक्नुपर्ने बताउनुभयो । 'हिजो राना थारु छुट्टिन खोज्दा हामीले छलफल गरेर नछुट्टिन आग्रह गर्यौँ । तर उहाँहरू छुट्टिएर जानुभयो । अहिले खवास थारुले निवेदन दिएको कुरा आएको छ', मन्त्री चौधरीले भन्नुभयो, 'यसरी त थारु जातिको जनसङ्ख्या न्यून हुँदै जान्छ । जनसङ्ख्या कम हुनु भनेको समग्रतामा शक्ति कम हुनु हो । यो कुरा सबैले बुझ्न आवश्यक छ ।'
![शिक्षामा दलीय राजनीति रोक्ने निर्णयबाट पछि हट्दिनँ: मन्त्री श्रेष्ठ](https://snowberry.prixacdn.net/media/gallery_folder/nnnnnnnnnnnnnnnnn_xKhLKRRaiw_qb7sdniyxouylgrv2a2p3b8um7x3zh3oc2hdtqtnseiri5cabnppbi4j15ca_mIVblqESnG_zxgcseq9sjcge7r8rxbhdzkvdo5fpbeh1faukq9f6tfnko83kfo1lrfgk1ti.jpg)
शिक्षामा दलीय राजनीति रोक्ने निर्णयबाट पछि हट्दिनँ: मन्त्री श्रेष्ठ
![किशोरीहरुलाई विद्यालयमै आत्मरक्षा तालिम](https://snowberry.prixacdn.net/media/gallery_folder/jjjjjjjjjjjjjjjjjjjjjjjjjjjjjjjjjjjjjjjjjjj_nDK67uQLrF_8ejv7vsqq9euwmerdakn1dur47agyli5lba44cj93ofzl7sxsz9j9s4e62hj_WkirwxT9pW_6xawckkljmww5ri3ybf2uqnkxiv7inkkrbz0iorts9y4uz0qupzqqrcxfztp.jpg)
किशोरीहरुलाई विद्यालयमै आत्मरक्षा तालिम
![भौतिक पूर्वाधा तथा यातायात मन्त्रालयको बजेट पुनर्लेखन गर्न सरकारसँग सांसद खान माग](https://snowberry.prixacdn.net/media/gallery_folder/20230618075105_1dg785g2zS_r0i0chdvqpmuiazpoyvilkevuymr7vl6wuvaywqqwwhuw940hywuthmj7bjz_TGPiNoWlCj_siu3wbaii33egrdrylaiskorcgfjgqd7v5kp9dvltgzm9xjyumqffngsdvd2.jpg)
भौतिक पूर्वाधा तथा यातायात मन्त्रालयको बजेट पुनर्लेखन गर्न सरकारसँग सांसद खान…
![‘महानायक’ राजेश हमाल ‘राठीकोल’को ब्रान्ड एम्बासडर नियुक्त](https://snowberry.prixacdn.net/media/gallery_folder/RATHICOL%2520PRESS%2520MEET%2520SIGING%2520PHOTO%25201_OdcFo62KOJ_nsjc5soornejqvkxwydybx1trv5ruwezlhan5esxvapp1y3xuygsonqemjqy_ueI55txrmk_wb9nl7ladwsgzj3sipcbkqrzocafnmfpp6azm4kqkfepanwv5j8vi5wu3rfl.jpg)
‘महानायक’ राजेश हमाल ‘राठीकोल’को ब्रान्ड एम्बासडर नियुक्त
![अतिथिलाई काँक्रा उपहार, गलामा दुबोको माला](https://snowberry.prixacdn.net/media/gallery_folder/ooooooooooooooooooooooooooooooo_Sq6sCMqhEv_gcrhmqigrq2fj0dmtbh4m8ihenggwbvrsaoslfqugof4hao0rrhwnrwuydpb_9sIAnHIXN0_n649spfyf2dnqynwdlz2ywlh8cxtqk4vfqrkwf4ghfq7e2wg2bjzfpj7jdwq.jpg)
अतिथिलाई काँक्रा उपहार, गलामा दुबोको माला
![अवैध लागूऔषध खैरो हेरोइनसहित दुई जना पक्राउ](https://snowberry.prixacdn.net/media/gallery_folder/gaja-pakrau_9ohZUD68J6_czjt9vh9qiqalhsozmwlv3zcwlik9kekyhrpqaaknc3omxfrtkdtfr0ktm1h_B1soKoJaCF_rofz3vu2rdnxxw8dnyt1cmrwoipdklffyqg4jl4m3t6w7v4qripvrbhhdbgi.jpg)
अवैध लागूऔषध खैरो हेरोइनसहित दुई जना पक्राउ
![२ सय ७० किलोग्राम गाँजासहित एक जना पक्राउ](https://snowberry.prixacdn.net/media/gallery_folder/gaja-pakrau_2woVHbOjnB_9u5cpuyekjhuacsauwrsbb63o8x5ybewsrgwq4w4ajgrovzbmzqxeoldtaq6_LltfvqdH26_2qbhxjoubuthdgpcn5oviwledh8clserwiwa6jfcxxxe595e57wzzakfvfqm.jpg)
२ सय ७० किलोग्राम गाँजासहित एक जना पक्राउ
![रौतहटमा श्रीमतीको हत्या आरोपमा एक पक्राउ](https://snowberry.prixacdn.net/media/gallery_folder/thumb_ZHPLtHkzDt_txo3wkaous3oj1ftzuhhgaekptpbha5cd1q9fqi5fmpzcuyslxtqpxhbyeub_Nvg4Fby6h7_cu4mj2kt8ieuqhgcdrkrolwrrojz8ycytxs4po9rojsthctfbchidfsiakjb.jpeg)
प्रतिक्रिया