झापामा कृषि प्रवर्द्धनका लागि १० करोड ५३ लाख
![](https://snowberry.prixacdn.net/media/gallery_folder/Krishi-Utpadan_LLmOORUXHO_fjuwdctx3whlpnvktjj1w5l61eaw2so893itqdtr5w9dyb2a57pi1g8s8pm4_gJrnb8annY_ypnvvq7qtashzf9gnokhlwdsgql8pnkwdic04aipsw7z703f1rmy8oz8eaue.jpg)
झापामा कृषि क्षेत्रको प्रवर्द्धनका लागि कोशी प्रदेश सरकारले रु १० करोड ५३ लाख अनुदान प्रदान गरेको छ । जिल्लामा सञ्चालित कृषिका प्रवर्द्धनात्मक कार्यक्रमबाट प्रतिफल पनि प्राप्त भएको छ ।
चालु आवमा जिल्लामा कृषि प्रवर्द्धनका लागि कोशी प्रदेश उद्योग, कृषि तथा सहकारी मन्त्रालयले यहाँका १४ वटा स्थानीय तहलाई रु नौ करोड पाँच लाख र कृषि ज्ञान केन्द्रमार्फत रु एक करोड ४८ लाख उपलब्ध प्रदान गरेको जिल्ला कृषि ज्ञान केन्द्रका निमित्त प्रमुख सागर विष्टले राससलाई जानकारी दिनुभयो ।
कोशी प्रदेश सरकारले स्थानीय तहलाई उपलब्ध गराएको ससर्त अनुदानमा कृषि बजार निर्माण र सिँचाइलाई बढी प्राथमिकता दिएको छ । जिल्लाका छ पालिकाका १२ स्थानमा कृषि बजार निर्माण तथा पूर्वाधार विकासका लागि रु तीन करोड ४० लाख, ११ वटा पालिकामा सिँचाइ विस्तारका लागि रु तीन करोड ससर्त अनुदान दिएको प्रमुख विष्टले बताउनुभयो ।
जिल्लाका तीनवटा पालिकामा कृषि यान्त्रिकीकरणका लागि रु ५५ लाख, गह्रा सुधार तथा चक्लाबन्दी खेतीका लागि रु ४० लाख, तोरी खेती तथा मौरीपालनका प्रवर्द्धन र तोरी प्रशोधन उपकरण खरिदका लागि रु ६० लाख उपलब्ध गराएको ज्ञान केन्द्रले जनाएको छ ।
नमूना कष्टम हाउसिङ सेन्टर स्थापनाका लागि रु ६० लाख, प्राङ्गारिक मल उत्पादन पूर्वाधार निर्माण गर्न रु ३० लाख र तरकारी सङ्कलन केन्द्र निर्माण गर्न रु २० लाख स्थानीय तहलाई ससर्त अनुदान उपलब्ध गराएको छ । कोशी प्रदेश सरकारले ज्ञान केन्द्रमार्फत जिल्लामा युवा लक्षित कार्यक्रमलाई प्राथमिकता दिएको छ । युवा लक्षित तरकारी, च्याउ, मह उत्पादन कार्यक्रमअन्तर्गत ३९ जना युवालाई रु एक÷एक लाख अनुदान दिएको छ ।
यसैगरी, सुपारी प्रशोधन उद्योग पूर्वाधार यन्त्र उपकरण सहयोगअन्तर्गत सातवटा उद्योगलाई रु ४० लाख, जैविक विषादी उत्पादनका लागि एउटा कृषि सहकारी र फार्मलाई रु ७५÷७५ हजार, जुटखेती प्रवर्द्धनका लागि छजना किसानलाई रु पाँच लाख, गड्याँैला मल तथा प्राङ्गारिक मल उत्पादनका लागि रु पाँच लाख, मागमा आधारित कार्यक्रमका लागि रु १२ लाख ५० हजार र केराखेतीका लागि ढुवानी साधनमा सहयोगका लागि रु १५ लाख अनुदान उपलब्ध गराएको ज्ञान केन्द्रले जनाएको छ ।
कृषि प्रवर्द्धन कार्यक्रमले जिल्लामा मकै र धान उत्पादन बढेको बढेको छ । मकै उत्पादकत्व पाँच मेट्रिकटन प्रतिहेक्टरबाट वृद्धि भई सात मेट्रिकटन पुगेको तथा धानको चार दशमलव पाँचबाट वृद्धि भएर पाँच दशमलव पाँच मेट्रिकटन प्रतिहेक्टर पुगेको ज्ञान केन्द्रका निमित्त प्रमुख विष्टले बताउनुभयो ।
![किशोरीहरुलाई विद्यालयमै आत्मरक्षा तालिम](https://snowberry.prixacdn.net/media/gallery_folder/jjjjjjjjjjjjjjjjjjjjjjjjjjjjjjjjjjjjjjjjjjj_nDK67uQLrF_8ejv7vsqq9euwmerdakn1dur47agyli5lba44cj93ofzl7sxsz9j9s4e62hj_101OfX9xK6_vvy2gyq8lcdmbqaf7ylq5vttl3imjajqtxw5kl4eslf5ssfiikunvtozx4z8.jpg)
किशोरीहरुलाई विद्यालयमै आत्मरक्षा तालिम
![भौतिक पूर्वाधा तथा यातायात मन्त्रालयको बजेट पुनर्लेखन गर्न सरकारसँग सांसद खान माग](https://snowberry.prixacdn.net/media/gallery_folder/20230618075105_1dg785g2zS_r0i0chdvqpmuiazpoyvilkevuymr7vl6wuvaywqqwwhuw940hywuthmj7bjz_ad2bI0D37N_dz4ap6lihvscjoi8ca4vmztxxfhesfbzz4cteqqv2fea1c63xnua3vpnqzrd.jpg)
भौतिक पूर्वाधा तथा यातायात मन्त्रालयको बजेट पुनर्लेखन गर्न सरकारसँग सांसद खान…
![‘महानायक’ राजेश हमाल ‘राठीकोल’को ब्रान्ड एम्बासडर नियुक्त](https://snowberry.prixacdn.net/media/gallery_folder/RATHICOL%2520PRESS%2520MEET%2520SIGING%2520PHOTO%25201_OdcFo62KOJ_nsjc5soornejqvkxwydybx1trv5ruwezlhan5esxvapp1y3xuygsonqemjqy_ueI55txrmk_wb9nl7ladwsgzj3sipcbkqrzocafnmfpp6azm4kqkfepanwv5j8vi5wu3rfl.jpg)
‘महानायक’ राजेश हमाल ‘राठीकोल’को ब्रान्ड एम्बासडर नियुक्त
![अतिथिलाई काँक्रा उपहार, गलामा दुबोको माला](https://snowberry.prixacdn.net/media/gallery_folder/ooooooooooooooooooooooooooooooo_Sq6sCMqhEv_gcrhmqigrq2fj0dmtbh4m8ihenggwbvrsaoslfqugof4hao0rrhwnrwuydpb_9sIAnHIXN0_n649spfyf2dnqynwdlz2ywlh8cxtqk4vfqrkwf4ghfq7e2wg2bjzfpj7jdwq.jpg)
अतिथिलाई काँक्रा उपहार, गलामा दुबोको माला
![अवैध लागूऔषध खैरो हेरोइनसहित दुई जना पक्राउ](https://snowberry.prixacdn.net/media/gallery_folder/gaja-pakrau_9ohZUD68J6_czjt9vh9qiqalhsozmwlv3zcwlik9kekyhrpqaaknc3omxfrtkdtfr0ktm1h_B1soKoJaCF_rofz3vu2rdnxxw8dnyt1cmrwoipdklffyqg4jl4m3t6w7v4qripvrbhhdbgi.jpg)
अवैध लागूऔषध खैरो हेरोइनसहित दुई जना पक्राउ
![२ सय ७० किलोग्राम गाँजासहित एक जना पक्राउ](https://snowberry.prixacdn.net/media/gallery_folder/gaja-pakrau_2woVHbOjnB_9u5cpuyekjhuacsauwrsbb63o8x5ybewsrgwq4w4ajgrovzbmzqxeoldtaq6_LltfvqdH26_2qbhxjoubuthdgpcn5oviwledh8clserwiwa6jfcxxxe595e57wzzakfvfqm.jpg)
२ सय ७० किलोग्राम गाँजासहित एक जना पक्राउ
![रौतहटमा श्रीमतीको हत्या आरोपमा एक पक्राउ](https://snowberry.prixacdn.net/media/gallery_folder/thumb_ZHPLtHkzDt_txo3wkaous3oj1ftzuhhgaekptpbha5cd1q9fqi5fmpzcuyslxtqpxhbyeub_Nvg4Fby6h7_cu4mj2kt8ieuqhgcdrkrolwrrojz8ycytxs4po9rojsthctfbchidfsiakjb.jpeg)
रौतहटमा श्रीमतीको हत्या आरोपमा एक पक्राउ
![महानगरपालिका घेराउ गर्न खोज्दा कवाडी व्यवसायी र प्रहरीबीच झडप](https://snowberry.prixacdn.net/media/gallery_folder/sfsf_4jlys0SggB_dnivmp2ucpanqwjatzc1x7kn6t4nnps7nddruz6gsdsfkwy3qqdu9ikxfvkg_6ohsPbaxhd_ci6upq0zy4ozm9ifh0wwa1tbepm5qyvthh2pvccnvappk8fz9lztueucxgml.jpg)
प्रतिक्रिया