डेङ्गु रोगकाे सङ्क्रमण ७१ वटा जिल्लामा फैलियो
![](https://snowberry.prixacdn.net/media/gallery_folder/DengueDengu1632221977_20220924214242_Hdl1za346G_f9nbo20mf9vrdpla1aqtpa5tqh3lpemjvxcjuvlbjjxhzbpopizl6jl2ytka_4lc6GZRTkE_bgyvbxghgoaridm6ed3teqglgztu1ylqkllmxjwe9dcxm7tepsiogjgayrcm.jpg)
डेङ्गु रोगको सङ्क्रमण ७१ वटा जिल्लामा फैलिएको छ। गत जेठ ११ गतेसम्म ५७ जिल्लामा फैलिएको डेङ्गु हाल ७१ जिल्लामा पुगेको स्वास्थ्य तथा जनसङ्ख्या मन्त्रालयले जनाएको छ।
मन्त्रालयअन्तर्गतको इपिडिमियोलोजी तथा रोग नियन्त्रण महाशाखाका किटजन्य रोग शाखा प्रमुख डा गोकर्णप्रसाद दाहालले मौसम परिवर्तनसँगै गर्मीका कारणले डेङ्गुको सङ्क्रमण बढेको बताए।
उनले गर्मीमा मानिसले पानी सङ्कलन गरेर राख्ने र सङ्कलन गरिएको पानीमा लामखुट्टे रहने भएकाले डेङ्गुको जोखिम बढेको बताए। ‘गर्मीमा पानी सङ्कलन गरेर राख्ने गरिन्छ। त्यसरी सङ्कलन गरिएको पानीमा लामखुट्टेले फुल पार्दछ। सफा पानीमा त्यही लार्भा बन्ने र मानिसलाई टोक्ने गर्दछ’, उनले भने।
उनका अनुसार ७१ जिल्लामा एक हजार एक सय ३० जनामा सङ्क्रमणमा देखिएको छ। गत वर्ष ७७ जिल्लामा ५१ हजार एक सय ४३ जनालाई डेङ्गु रोगको सङ्क्रमण देखिएको थियो। उनका अनुसार कोशी प्रदेशमा दुई सय ७२, मधेस प्रदेशमा ३०, बागमती प्रदेशमा तीन सय ९०, गण्डकी प्रदेशमा एक सय ७५, लुम्बिनी प्रदेशमा एक सय ३२, कर्णाली प्रदेशमा १६ र सुदूरपश्चिम प्रदेशमा एक सय १५ जनामा सङ्क्रमण देखिएको छ।
उपत्यकामा एक सय ५९ जनामा सङ्क्रमण
काठमाडौँमा एक सय १४ जना, भक्तपुरमा २७ जना र ललिपतुरमा १८ जनामा सङ्क्रमण देखिएको छ। डेङ्गु पानी जम्ने सफा ठाउँमा ‘एडिज एजिप्टी र एडिस एल्बोपिक्टस’ प्रजातिको लामखुट्टेले फुल पार्दछ। ती फुलबाट लार्भा निस्कने र त्यही लार्भा बयस्क भएपछि टोकेपछि डेङ्गु रोग लाग्दछ।
डेङ्गु सङ्क्रमण हुँदा उच्च ज्वरो आउने, टाउको, आँखाको गेडी, ढाड, शरीर, घुँडाका जोर्नी दुख्ने, पिँडौलाको मासु दुख्ने आदिजस्ता लक्षण देखा पर्दछन्। लामखुट्टेबाट बच्नका लागि सधैँ झुल टाँगेर मात्र सुत्न, खेतबारीमा काम गर्दा लामो बाहुला भएको लुगा लगाउन, घरको झ्याल ढोकामा जाली हाल्न मन्त्रालयले अनुरोध गरेको छ।
यस्तै सम्भव भएसम्म लामखुट्टे भगाउने धूप वा मलमको प्रयोग गर्न, घरपालुवा पशुपक्षी व्यवस्थित ढङ्गले पाल्न र घर वरिपरी गमला, टायर वा कुनै पनि खुला भाँडामा पानी जम्न दिन हुँदैन।-
![झापामा डुबान सुरू](https://snowberry.prixacdn.net/media/gallery_folder/Screenshot%25202024-06-18%2520165106_f4WOL3rMuw_xi8frjjq9zyngtgtjotymlpzkkda8hfiggy2rtrc3lqkfft2h4scft6wnvla_qWKZPxLjBL_h1f5dy2ldkursya8gb4jkasjtbgsolvctwntiao54zi61tuy76ollbza8mow.png)
झापामा डुबान सुरू
![दक्षिणी रुसको तेल ट्याङ्की भण्डारमा ड्रोन आक्रमण](https://snowberry.prixacdn.net/media/gallery_folder/cq5dam.thumbnail.cropped.1500.844_jDXUBhxNJn_oadas4x3b7ebf8rlkblh783arlbvci4ajr9fjbqm5gq2bxsqraoysugrpf4t_HFnd1NnU1Z_azflpnufjwgawrvgdbvkddbzrxmgyndkbcdhibvzds7xxtdwqbwwxtmvmz6k.jpeg)
दक्षिणी रुसको तेल ट्याङ्की भण्डारमा ड्रोन आक्रमण
![खल्तीमा राजीनामा लिएर नहिड्न मन्त्रीहरूलाई सांसद झाकाे आग्रह](https://snowberry.prixacdn.net/media/gallery_folder/ranju-jha_stCOxT56wZ_XmPTCIU7Fa_w3r860bvfi0ne6kvdraumyojxuclcruglxbb4uq4akrzfreq8vetixr7mjbc_FNYxmlp0yz_541nixqseokscvmjlc9oov7yxbcimubkwl1oblrtottgwcyzw33ergwkiikm.webp)
खल्तीमा राजीनामा लिएर नहिड्न मन्त्रीहरूलाई सांसद झाकाे आग्रह
![ज्येष्ठ शुक्ल एकादशीः राखियो तुलसीको दल](https://snowberry.prixacdn.net/media/gallery_folder/tulsi_29qnEuSI4t_1soij2dk9urupw8qifsd8qlvzuepmgvq3ksqijpcnxzkviypbnxjtpyivonr_9QQK1G3fiw_rgfiojfos3k8sqes0s9dleoafkamsuruehno3bt0klvwvsozamsbdatrce2q.jpg)
ज्येष्ठ शुक्ल एकादशीः राखियो तुलसीको दल
![प्रतिनिधिसभा बैठकः खर्च कटौतीका १२ प्रस्ताव प्रस्तुत, बजेटमा विभेद् भएको सांसदकाे गुनासो](https://snowberry.prixacdn.net/media/gallery_folder/download_TD7uHPPWFn_zgm6mbr59xvl44cjwe9ojobb0tniyktzcc00jptt9zuxltjqovt0aoqx3kvq_i06IfBZV2T_7vlebkl0dakrhjy8qfdv0ssb3dcykqwgrnrsagtw7klw3flwhxklevgwzzg2.jpeg)
प्रतिनिधिसभा बैठकः खर्च कटौतीका १२ प्रस्ताव प्रस्तुत, बजेटमा विभेद् भएको सांसदक…
![भूकम्पपीडितलाई चाँडो राहत उपलब्ध गराउन माग](https://snowberry.prixacdn.net/media/gallery_folder/1704418546_national%2520sava-1200x560_XEGhltGW1X_prrryzjwuqovjclqd8wnggypo7kfbj7t8l3ucjua0yg73tpoyg9jpwstri7n_PWfpIQcg6K_phz2nww47wbx0tvsvhuetoutvc0dkqjcnhs4km44bl5imnwn6kgcrelpu0ay.jpg)
भूकम्पपीडितलाई चाँडो राहत उपलब्ध गराउन माग
![ताप्लेजुङमा राहत र उद्धारका लागि गृहमन्त्रीको ध्यानाकर्षण](https://snowberry.prixacdn.net/media/gallery_folder/Rabi2024-04-19-07-40-44_7EAkiMZiYH_q6jhrmu1uyjifsgeyml41ppeg7wlvurt3wut8iflmc9o0hxru7xkraglqu4h_Uw8vPqdhui_dpnkobei60lyrawtv9dzo6efxwosfa7modhpe0i0jbg24veruqwqjueenhly.jpeg)
ताप्लेजुङमा राहत र उद्धारका लागि गृहमन्त्रीको ध्यानाकर्षण
![कबाड व्यवसायीहरूकाे प्रदर्शनलाइ आजपनि निरन्तर्ता](https://snowberry.prixacdn.net/media/gallery_folder/Screenshot%25202024-06-18%2520155842_ldI6hN2lGv_9jtotfejgjkipaodqgr42bfpl1basvnudblhsabogavg2tylfc4wctr8idzu_izMApJ3dNd_nmxp7hvkrzgzpuhvekpacwptwbij2ccf6vrgkqikn0pcmrvwranncretewlr.png)
प्रतिक्रिया