नेपालको पहिलो विद्यार्थी आन्दोलन जयतु संस्कृतम् दिवस आज
![](https://snowberry.prixacdn.net/media/gallery_folder/jayatu-sanskritam_uHNUI2eGBs_sjsgw42eos8si30hccgfeegdfxvqduimbktxckbuym4cqsmqrnmviljkhwwl_AUCnKelEe2_mzeud8fs2yhwtmvb6r2lc9hahvvpi7kebjlscrkt2awwubthokj1wyhgathw.jpg)
काठमाडौँ । नेपालको पहिलो विद्यार्थी आन्दोलन जयतु संस्कृतम् दिवस आज विभिन्न कार्यक्रम आयोजना गरी मनाइँदैछ । विसं २००४ असार १ गते तीनधारा पाठशालाका विद्यार्थीले संस्कृतका शास्त्रीय विषयका साथै आधुनिक अङ्ग्रेजी, गणित, विज्ञान, भूगोललगायत विषय पनि पढ्न पाउनुपर्ने माग गर्दै राणाशासकविरुद्ध गरेको आन्दोलनको सम्झनामा जयतु संस्कृतम् दिवस मनाउने गरिन्छ ।
आधुनिक विषय अध्ययन गर्न पाउनुपर्ने माग गर्दै सुरु भएको आन्दोलन पछि जहानियाँ राणाशासनको विरुद्ध र प्रजातन्त्र स्थापनाको पक्षमा केन्द्रित भएको थियो । राणाशासकले तीनधारा पाठशालाबाट चार पाटा मुडेर विद्यार्थीलाई उपत्यकाका नाका कटाएपछि उनीहरुले राणाशासनको बिरोध गर्दै देशभर जागरण फैलाएका थिए । यसले कुना कन्दराका जनतालाई राणाशासकविरुद्ध सङ्गठित गरेको थियो ।
तत्कालीन समयमा विद्यार्थीहरु देशका विभिन्न भाग हुँदै भारतको वनारस पुगेका थिए । वनारसमा राणाशासनको अन्त्य गर्न प्रवासमा रहेका नेपालीलाई गोलबद्ध गरिरहेका नेपाली कांग्रेसका संस्थापक बिपी कोइरालालगायत नेतासँग जयतु संस्कृतम्का अगुवाहरु पूर्णप्रसाद ब्राह्मण, श्रीभद्र शर्मालगायतले भेट गरी प्रजातन्त्र स्थापनाको आन्दोलनमा सरिक भएका थिए । त्यसबेला असार १ गते विद्यार्थीले आन्दोलन सुरु गरेको सम्झनामा प्रत्येक वर्ष यसै दिन जयतु संस्कृतम् दिवस मनाउने गरिन्छ ।
आन्दोलनको स्वर्ण वर्षका अवसरमा विसं २०५५ मा संस्कृतका क्षेत्रमा काम गर्ने उद्देश्यले जयतु संस्कृतम्लाई संस्थागत स्वरुप दिई विधिवत् रुपमा दर्ता गरिएको थियो । त्यसै वर्षदेखि संस्थागत रुपमा जयतु संस्कृतम् दिवस मनाउन थालिएको हो ।
यस अवसरमा आज बिहान दरबारमार्गस्थित तीनधारा पाठशाला अघि रहेको जयतु संस्कृतम् स्तम्भमा माल्र्यापण, पुष्पगुच्छासहित विश्व शान्तिको सङ्कल्पले स्वस्ति वाचन गरिने जनाइएको छ । कार्यक्रममा सहभागी हुन जयतु संस्कृतम् संस्थाले संस्कृतका अनुयायीमा आह्वान गरेको छ ।
माल्यार्पण र स्वस्ति वाचनपछि दरबारमार्गस्थित जयतु संस्कृतम् स्तम्भबाट प्रभातफेरी गरिने र रानीपोखरीस्थित श्री संस्कृत माध्यमिक विद्यालय (दरबार हाई स्कूल) मा पुगेर औपचारिक कार्यक्रम गरिने जनाइएको छ । यस वर्ष ७८ औँ जयतु संस्कृतम् दिवस मनाउन लागिएको जयतु संस्कृतम् संस्थाले जनाएको छ ।
![बजेटमा विभेद भएको सांसदको गुनासो](https://snowberry.prixacdn.net/media/gallery_folder/samsad-asar-2_TQJlXTxH3T_k0zg4zcndimswriiseoz3jocwgtlnzw0ovsccn3tggqnau3wasjbcv5phuaz_aSCFg4ikKB_blfr4okgjym6c5vnovzpdv5hikzzqf5vnfjbywjtyaa0yzzilcrrpg0gvpqj.jpg)
बजेटमा विभेद भएको सांसदको गुनासो
![झापामा डुबान सुरू](https://snowberry.prixacdn.net/media/gallery_folder/Screenshot%25202024-06-18%2520165106_f4WOL3rMuw_xi8frjjq9zyngtgtjotymlpzkkda8hfiggy2rtrc3lqkfft2h4scft6wnvla_a4Nf5muUzT_feiisqe2dyjvpganygk9ybe4qwm2dr9vhvjmpzpkjhjpllehw0iplkbj6gii.png)
झापामा डुबान सुरू
![दक्षिणी रुसको तेल ट्याङ्की भण्डारमा ड्रोन आक्रमण](https://snowberry.prixacdn.net/media/gallery_folder/cq5dam.thumbnail.cropped.1500.844_jDXUBhxNJn_oadas4x3b7ebf8rlkblh783arlbvci4ajr9fjbqm5gq2bxsqraoysugrpf4t_uksxMqOKIf_j1jyeue6gvnwitdenrh8nqvaqyib9xkjxko2135gd9b8lbxojxjp643gkwru.jpeg)
दक्षिणी रुसको तेल ट्याङ्की भण्डारमा ड्रोन आक्रमण
![खल्तीमा राजीनामा लिएर नहिड्न मन्त्रीहरूलाई सांसद झाकाे आग्रह](https://snowberry.prixacdn.net/media/gallery_folder/ranju-jha_stCOxT56wZ_XmPTCIU7Fa_w3r860bvfi0ne6kvdraumyojxuclcruglxbb4uq4akrzfreq8vetixr7mjbc_9ceGNHfiAm_ekgt3694c208e5tlj1sujol0xdbdcgv1tyn1lid8x4hozbpgmj6oxcga5keg.webp)
खल्तीमा राजीनामा लिएर नहिड्न मन्त्रीहरूलाई सांसद झाकाे आग्रह
![ज्येष्ठ शुक्ल एकादशीः राखियो तुलसीको दल](https://snowberry.prixacdn.net/media/gallery_folder/tulsi_29qnEuSI4t_1soij2dk9urupw8qifsd8qlvzuepmgvq3ksqijpcnxzkviypbnxjtpyivonr_7Yv0v4TQYB_tuvldfb8gg6mtfgloixtracxvepsjennqxtdpqysrhdnuhsx0bszyrmxnvto.jpg)
ज्येष्ठ शुक्ल एकादशीः राखियो तुलसीको दल
![प्रतिनिधिसभा बैठकः खर्च कटौतीका १२ प्रस्ताव प्रस्तुत, बजेटमा विभेद् भएको सांसदकाे गुनासो](https://snowberry.prixacdn.net/media/gallery_folder/download_TD7uHPPWFn_zgm6mbr59xvl44cjwe9ojobb0tniyktzcc00jptt9zuxltjqovt0aoqx3kvq_MPVbKFT5l2_loh8ou46xr5qw5nysfjvoaq7iazpmtzgrt93y4bpatrjjlgohkwlo1tbftbr.jpeg)
प्रतिनिधिसभा बैठकः खर्च कटौतीका १२ प्रस्ताव प्रस्तुत, बजेटमा विभेद् भएको सांसदक…
![भूकम्पपीडितलाई चाँडो राहत उपलब्ध गराउन माग](https://snowberry.prixacdn.net/media/gallery_folder/1704418546_national%2520sava-1200x560_XEGhltGW1X_prrryzjwuqovjclqd8wnggypo7kfbj7t8l3ucjua0yg73tpoyg9jpwstri7n_dUlbaYcYnn_alldnjuv9njluzoclbulfi2wy6q86n8ozoig8ase9kzffvbeihuxdzmvsuxb.jpg)
भूकम्पपीडितलाई चाँडो राहत उपलब्ध गराउन माग
![ताप्लेजुङमा राहत र उद्धारका लागि गृहमन्त्रीको ध्यानाकर्षण](https://snowberry.prixacdn.net/media/gallery_folder/Rabi2024-04-19-07-40-44_7EAkiMZiYH_q6jhrmu1uyjifsgeyml41ppeg7wlvurt3wut8iflmc9o0hxru7xkraglqu4h_uStEuDC7Ub_qczjkft38lxebjalwnxbc4o8oy1gmmhnfqwnhhnn0iqtnakzskhqo6rljgfo.jpeg)
प्रतिक्रिया