पछिल्लो एक वर्षमा ७ हजार १९४ जनाले गरे आत्महत्या
पछिल्लो एक वर्षभित्र देशभर ५९ हजार ६१ वटा अपराधका मुद्दा दर्ता भएको केन्द्रीय प्रहरी प्रधान कार्यालयले जनाएको छ ।
बिहीबार नेपाल प्रहरीको वार्षिक कार्य प्रतिवेदन सार्वजनिक गर्दै केन्द्रीय प्रहरी प्रवक्ता एवं प्रहरी नायब महानिरीक्षक भिम प्रसाद ढकालले देशभर ५९ हजार ६१ वटा मुद्दा दर्ता भएको बताएका हुन् । उक्त मुद्दा मध्ये सबैभन्दा धेरै अपराधका मुद्दा उपत्यकामा र कम कर्णाली प्रदेशमा दर्ता भएको जानकारी उनले दिए ।
उपत्यकामा १७ हजार ३ सय ९७ अर्थात् कूल अपराधको २९ .४५ प्रतिशत र कर्णालीमा सबैभन्दा कम १ हजार ९६५ वटा अपराधका घटना भएका छन् । उपत्यकापछि मधेश,कोशी र लुम्बिनीमा क्रमश धेरै अपराधका मुद्दा दर्ता भएका छन् ।
एक वर्षमा महिला तथा बालबालिका सम्बन्धी २१ हजार १९७ वटा घटनाहरु भएका छन् । उक्त घटनामध्ये सबैभन्दा धेरै घरेलु हिंसाका १६ हजार ७४१ वटा घटेका छन् । प्रहरीले त्यसको आधा घटनाका निवेदनहरु फर्छ्याैट गरेको जनाएको छ । देशभर २ हजार ४६८ वटा जर्वजस्ती करणीको मुद्दा दताए भएको छ ।
प्रहरी प्रवक्ता ढकालका अनुसार उक्त जवर्रजस्ती करणीको घटना आधा भन्दा धेरै नजिकका र चिने/जानेकाबाट भएका छन् । ‘जवर्रजस्ती करणीका छिमेकी तथा चिनजानकै व्यक्तिहरुबाट ८० प्रतिशत घटना चिनजान र नजिककाबाट भएको पाइएको छ । १२ प्रतिशत घटना चिनजान नभएको व्यक्तिबाट भएको देखिन्छ । नजिकका नातेदार तथा चिनजानका व्यक्तिहरुबाटै जर्वजस्ति करणीका घटना बढी हुने गरेको हाम्रो अनुसन्धानबाट पाइएको छ ’ ढकालले भने ।
प्रतिक्रिया