राप्रपाको दोहोरो चरित्र: संघीयता खारेज भन्दै चुनाव लड्ने प्रदेशमा सभामुख खाने

राष्ट्रिय प्रजातन्त्र पार्टी संघीयता र धर्मनिरपेक्षताको विपक्षमा छ । उसको मुख्य माग नै, संवैधानिक राजतन्त्र र हिन्दु राष्ट्र हो । अनि संघीयता खारेजी । यही मुद्दा लिएर राप्रपा चुनाव लड्दै आएको छ । 

 झापा गौरदहका ७० वर्षीय विष्ट समानुपातिक तर्फका प्रदेशसभा सदस्य हुन् । विष्टले मंगलबार नै प्रदेश प्रमुख परशुराम खापुङबाट पद तथा गोपनियताको शपथ लिए ।

राप्रपाले कोशीमा सभामुख लिएपछि पार्टीभित्र विवाद बढेको छ । राप्रपा केन्द्रीय निर्देशन समितिका अध्यक्ष प्रकाशचन्द्र लोहनीले यस प्रकरणप्रति आपत्ति जनाएका छन् । पार्टी बैठकमा कोशी प्रदेशसभाको सभामुख लिन नहुने भनेर सहमति गर्ने अनि कसैलाई जानकारी नै नदिई सभामुखमा दाबी गर्ने निर्णयबारे केन्द्रीय कार्यसम्पादन समितिमा छलफल हुनुपर्ने माग पनि लोहनीले गरेका छन् ।

यसअघि राप्रपालाई कोशीमा सभामुख लिन सत्ता गठबन्धनले आग्रह गर्दै आएको थियो । तर राप्रपालाई राष्ट्रियसभामा एक सिट दिनुपर्ने सर्त राखेपछि सहमति जुटेन । सत्ता गठबन्धनले सुनुवाइ नगरेपछि सभामुख मात्र भए पनि लिन राप्रपा तयार भएको थियो । सोही आधारमा राप्रपाले कोशीमा सभामुख पाएको हो ।