अन्नपूर्ण गाउँपालिकामा ʿएक व्यक्ति, एक मास्कʾ अभियान

कोभिड १९ को सङ्क्रमण बढिरहेका अवस्थामा कास्कीको अन्नपूर्ण गाउँपालिकाʿएक व्यक्ति, एक मास्कʾ अभियानसहित नागरिकको घरदैलोमा पुगेको छ ।

गाउँपालिकालाई कोरोना भाइरसको जोखिमबाट जोगाउने लक्ष्यका साथ एक व्यक्ति एक मास्क अभियानलाई अनिवार्य गराउँदै ११ वटै वडामा पुगिएको गाउँपालिकाका अध्यक्ष युवराज कुँवरले बताउनुभयो ।

उहाँका अनुसार गाउँपालिकाभित्र अहिलेसम्म ३५ हजार मास्क वितरण गरिसकिएको छ भने थप ३५ हजार वितरण गर्ने तयारी गरिएको छ ।

भाइरसको सङ्क्रमणबाट जोगिनका लागि नागरिकलाई सचेत गराउन यसको जोखिम, बच्ने उपाय लगायतका विषय समेटिएको एक हजार ५०० ब्रोसर वितरण गरिएको उहाँले बताउनुभयो ।

स्वास्थ्य सजगता र हात धुन नागरिकलाई अभिप्रेरित गर्न सात हजार ३० साबुन वितरण गरिएको छ ।

अभियानमा जनप्रतिनिधि, टोल विकास संस्था, आमा समूह, विद्यालयका शिक्षक लगायतलाई परिचालन गरिएको छ ।