पृथ्वीराजमार्गमा दुई यात्रुवाहक बस एक आपसमा ठोकिँदा २५ जना घाइते

पृथ्वीराजमार्ग अन्तर्गत तनहुँको बन्दिपुर गाउँपालिकामा दुई यात्रुवाहक बस एक आपसमा ठोकिँदा कम्तीमा २५ जना घाइते भएका छन् ।

आइतबार दिउँसो करिब ४ बजेतिर गाउँपालिका ५ अन्तर्गत पर्ने नयाँ पुल गोरेचौतारामा दुर्घटना भएको जिल्ला प्रहरी कार्यालय तनहुँका प्रहरी नायब उपरीक्षक अशोक थापाले जानकारी दिए।

उनका अनुसार गण्डकी जिएए ००७० नम्बरको बस र भे १ ख ३४८७ नम्बरको बस एक आपसमा ठक्कर खाँदा कम्तीमा २५ जना घाइते भएका छन् ।

घटनाबारे विस्तृत आउन बाँकी रहेको प्रहरीले जनाएको छ। घाइतेहरूको डुम्रेस्थित लक्ष्मी अस्पतालमा उपचार भइरहेको छ।