एनपीएल टोली विराटनगरको एम्बेसडरमा कलाकार दयाहाङ राई नियुक्त

नेपाल प्रिमियर लिग (एनपीएल) टोली विराटनगर किंग्सले आफ्नो गुडविल एम्बेसडरमा कलाकार दयाहाङ राईलाई नियुक्त गरेको छ । विराटनगरले आइतबार एक कार्यक्रमबिच दयाहाङलाई गुडविल एम्बेसडरको रुपमा सार्वजनिक गरेको हो । विराटनगर किंग्सका मालिभ वेंकाटेसले दयाहाङलाई गुडविल एम्बासडर अनुबन्ध गरिएको घोषणा गर्नुभयो ।

विराटनगरले दयाहाङसँग एक वर्षको लागि सम्झौता गरिएको बताइएको छ । नेपाली टोलीका लेग स्पिनर सन्दीप लामिछाने मार्की खेलाडी रहेको विराटनगरको प्रशिक्षकमा आयरल्यान्डका केभिन ओ’ब्रायन प्रशिक्षक हुनुहुन्छ । दयाहाङसँगको सम्झौता कार्यक्रममा नेपाल क्रिकेट सङ्घ (क्यान) का सचिव पारस खड्काको पनि उपस्थिति थियो । क्यानले आयोजना गर्न लागेको एनपीएल मङ्सिर १५ देखि पुस ६ गतेसम्म त्रिवि मैदान कीर्तिपुरमा हुनेछ ।