हेटौँडा-१२ को अध्यक्षका लागि रास्वपाका बलले दिए उम्मेदवारी

मंसिर १६ गते हुने स्थानीय तह उपनिर्वाचनका लागि राष्ट्रिय स्वतन्त्र पार्टी रास्वपा ले उम्मेदवारी दर्ता गराएको छ।

हेटौंडा उपमहानगरपालिका–१२ को वडाध्यक्ष पदका आशावीर बलले उम्मेदवारी दर्ता गराएका हुन्।

रास्वपा मकवानपुरका सदस्य चन्द्रबहादुर स्याङ्तानको समर्थक तथा  राजदेव लामाको प्रस्तावकमा वडाध्यक्ष पदका उम्मेदवार बलले उम्मेदवारी दर्ता गराएका हुन्।

अघिल्लो स्थानीय तह निर्वाचनमा मुख्यत: माओवादी केन्द्र, नेपाली कांग्रेस र नेकपा एमालेबीच प्रतिस्पर्धा भएको यस वडामा रास्वपाले आफ्नो उम्मेदवार खडा गरेपछि तीन ठूला दललाई चुनौती थपिने आंकलन गरिएको छ।

२०७९ वैशाखमा सम्पन्न स्थानीय तह निर्वाचनबाट निर्वाचित यहाँका वडाध्यक्ष ललितबहादुर घलान जिल्ला समन्वय समिति प्रमुख बनेपछि उक्त पद रिक्त छ।