आर्चर आइपिएल अक्सन सुचीमा अटाएनन् जोफ्रा आर्चर

इङ्ग्ल्याण्डका तीव्र गतिका बलर जोफ्रा आर्चर इण्डियन प्रिमियर लिग(आइपिएल) को अन्तिम अक्सन सुचीमा अटाएनन्।

आइपिएलले शुक्रवार जारी गरेको ५ सय ७४ जना अन्तिम खेलाडीको सुचीमा आर्चरले स्थान पाएनन् । अक्सनको अन्तिम सुचीमा ३ सय ६६ भारतीय र २ सय ८ जना विदेशी खेलाडी अटाउदा आर्चरले बनाउन सकेनन् ।

आर्चरले अक्सनको अन्तिम सुचीमा स्थान बनाउन नसक्दा इङ्ग्ल्याण्डका ४२ वर्षीय तीव्र गतिका बलर जेम्स एण्डरसनले भने स्थान बनाएका छन् ।

अन्तिम सूचीमा अस्ट्रेलियाका अलराउण्डर क्यामरून ग्रीन पनि परेनन् । हालै शल्यक्रिया पछि ग्रीन ६ महिना क्रिकेट मैदान बाहिर रहेका छन् ।

अक्सनका लागि सुरुमा १ हजार ५ सय ७४ खेलाडीले नाम दर्ता गराएका थिए । आइपिएल २०२५ को अक्सन मंसिर ९ र १० गते साउदी अरेबियामा हुँदैछ ।