नेपाल प्रिमियर लिग स्टार स्पोर्टसबाट प्रशारण हुने पक्का

नेपाल प्रिमियर लिग एनपीएलका लागि नेपाल क्रिकेट संघ क्यानले सिद्धार्थ बैंकसँग प्रायोजक सम्झौता भएको छ । क्यानले शुक्रबार काठमाडौंमा गरेको कार्यक्रममा सचिव पारस खड्काले ५ वर्षका लागि सिद्धार्थ बैंकसँग सम्झौता गरेको हो । 

अब प्रतियोगिताको नाम सिद्धार्थ बैंक एनपीएल हुने छ ।

यसैगरी एनपीएलका खेलहरु स्टार स्पोर्टस नेटवर्कमार्फत प्रत्यक्ष प्रशारण हुने भएका छन् । बोर्डकास्टिङका लागि पनि शुक्रबार नै क्यानले स्टार स्पोर्टसलाई जिम्मेवारी दिएको छ । नेपाल प्रिमियर लिग मंसिर १५ गतेदेखि सुरुहुँदै छ ।