कथाकार गुरुप्रसाद मैनालीको कृति ‘परालको आगो’मा आधारित फिल्म निर्माण हुने

 साहित्यकार तथा कथाकार गुरुप्रसाद मैनालीको कृति ‘परालको आगो’मा आधारित रहेर फिल्म निर्माण हुने भएको छ । कथामा आधारित रहेर हरिओम सिने मेकर्स निर्माता कम्पनीलाई मञ्जुरी दिएसँगै फिल्म निर्माण हुन लागेको हो ।

मैनाली कथा पुरस्कार ट्रस्टले ‘नासो’ कथा संग्रहमा रहेको ‘परालको आगो’ लाई फिल्म निर्माणको लागि मञ्जुरी दिएको हो । फिल्मका निर्माता सुशीलकुमार पोखरेललाई कथाकार मैनालीका छोरा माधवप्रसादले ‘कथाको मर्म नबिग्रने गरी’ निर्माणको अनुमति दिएका हुन् ।

फिल्म आगामी दशैँमा प्रदर्शनमा आउने निर्माता पोखेलले जनाएका छन् । यो नाममा ४५ वर्षअघि निर्देशक प्रताप सुब्बाले फिल्म निर्माण गरेका थिए ।