बोलेराले पैदलयात्रुलाई ठक्कर दिँदा एक युवतीको मृत्यु

 धादिङको बेनीघाट रोराङ गाउँपालिका–३ डार्केफाटमा बोलेराले पैदलयात्रुलाई ठक्कर दिँदा एक युवतीको मृत्यु भएको छ।

मृत्यु हुनेमा बेनीघाट–२ की १९ वर्षीया अनिशा मिजार रहेको जिल्ला प्रहरी कार्यालय धादिङका प्रहरी निरीक्षक तथा सूचना अधिकारी प्रल्हाद सिलवालले जानकारी दिए।

उनका अनुसार ताल्तिबाट मलेखु जाँदै गरेको बा२०च १९९९ नम्बरको बोलेरोले मिजारलाई ठक्कर दिएको थियो। उक्त बोलेरोकै ठक्करबाट २६ वर्षीया प्रशंसा मिजार घाइते भएकी छन्।

चालक गोपी बहादुर ठकुरी र बोलेरो प्रहरीको नियन्त्रणमा रहेको सिलवालले जानकारी दिए।