प्रहरी असईलाई स्थानीयले कुटे

मदिरा सेवन गरेर गाउँमा होहल्ला गर्दै गाली बेइज्जती गर्ने प्रहरी सहायक निरीक्षकलाई स्थानीयले कुटपिट गरेका छन् ।

अछामको तुर्माखाद गाउँपालिकामा कार्यरत असई महेश सिंह धामीलाई स्थानीयले कुटपिट गरेका हुन् ।रहफस्थित प्रहरी चौकीका इन्चार्ज समेत रहेका धामीले मदिरा सेवन गरेर होहल्ला गर्दै गाली बेइज्जती गरेका थिए ।

कार्तिक १४ गते राति धामी २ किलोमिटर टाढाको गाउँमा एक्लै पुगेर मदिरा खाएका थिए ।रातिको समयमा मदिराले मातिएका धामीले होहल्ला गर्दै गाली बेइज्जती गरेपछि स्थानीयले उनलाई नियन्त्रणमा लिएर कुटपिट गरेका हुन् ।

घटनामा प्रहरी निरीक्षक धामी घाइते भएका छन् ।