‘पूर्ण बहादुरको सारङ्गी’ले इतिहास कोर्ने भन्दै ‘मिसिङ केटी हराएको सूचना’को प्रदर्शन स्थगन

 चलचित्र ‘मिसिङ : केटी हराएको सूचना’को प्रदर्शन  मिति स्थगन भएको छ । कात्तिक ३० गते प्रदर्शन हुने भनिएको चलचित्र अर्को मिति तय नभएसम्मका लागि स्थगन भएको हो । 

प्रदर्शनरत चलचित्र ‘पूर्ण बहादुरको सारङ्गी’ इतिहास कोर्ने  बाटोमा रहेको भन्दै ‘मिसिङ : केटी हराएको सूचना’ले प्रदर्शन मिति पछि सारेको हो । 

इतिहास निर्माण गर्ने बाटोमा रहेको चलचित्रलाई सहयोग गर्न आवश्यक रहेको निर्माणपक्षले जनाएको छ । अहिले ‘पूर्ण बहादुरको सारङ्गी’को शो बाँडफाँट हेर्दा उसलाई सहयोग गर्न आवश्यक रहेको ‘मिसिङ : केटी हराएको सूचना’को निर्माणपक्षले विज्ञप्ति जारी गर्दै जनाएको छ । 

‘मिसिङ : केटी हराएको सूचना’ दीपेन्द्र गौचनको लेखन तथा निर्देशन रहेको चलचित्र हो । यसमा सृष्टि श्रेष्ठ र नाजिर हुसेन मुख्य भूमिकामा छन् । ‘मिसिङ : केटी हराएको सूचना’ कहिले प्रदर्शन गर्ने निर्णय गरेर सार्वजनिक गरिने निर्माणपक्षले जनाएको छ ।