फिल्म ‘तेल भिसा’ को ट्रेलर सार्वजनिक [भिडियाेसहित]

 परदेशमा बस्ने छोरा बुहारीले नाति नातिना स्याहार्न आमालाई बोलाएपछि आमाले भोग्ने समस्यामा आधारित विपिन कार्की र वर्षा राउतको मुख्य भूमिका रहेको फिल्म ‘तेल भिसा’ को ट्रेलर सार्वजनिक भएको छ ।

आगामी मंसिर ७ गते विश्वव्यारी रिलिजको पर्खाइमा रहेको ‘तेल भिसा’ काे आज ट्रेलर सार्वजनिक गरिएकाे हाे। फिल्ममा बाबुछोराको दोहोरो भूमिका खेलेका बहुप्रतिभाशाली अभिनेता विपिन कार्कीले ट्रेलरमा सबै कुरा नसमेटिने भएकाले हलमै आएर फिल्म हेर्न आग्रह गरेका थिए । उनले फिल्ममा घर–घरको कथा देखाएको बताउँदै सम्पूर्ण परिवारले एकसाथ बसेर फिल्मको मजा पनि लिन सकिने बताए ।

यसैगरी फिल्ममा विपिनको श्रीमती बनेकी नायिका वर्षा राउतले आफूहरुको फिल्ममा शतप्रतिशत दिएको बताउँदै अब दर्शक तथा श्रोताहरुको मायाँको प्रतिक्षामा रहेको बताईन ।

अभिनेत्री ऋचा घिमिरेको प्रस्तुतिमा तयार भएको फिल्ममा विपिन कार्की, वर्षा राउतका अलावा पुजा चन्द, ऋचा घिमिरे, वुद्दि तामाङ, सुचित्रा उप्रेती लगायतका कलाकारहरुको अभिनय रहेको छ । शंकर घिमिरेको लेखन तथा निर्देशन, अनिल पाण्डे र शिवराज कार्कीको लगानी रहेको फिल्ममा सुशन प्रजापतिको छायांकन, अन्जय खड्काको सम्पादन, रामजी लामिछानेको कोरियोग्राफी, आशिष अविरल, कल्याण सिंह र कृष्ण भारद्वाजको संगीत छ ।