हङकङ सिक्सेसको प्लेट सेमिफाइनलमा नेपालले युएईसँग खेल्ने

 हङकङ सिक्सेसको क्वाटरफाइनलमा श्रीलंकासँग ४० रनले पराजित भएको नेपालले प्लेट सेमिफाइनलमा युएईसँग खेल्ने भएको छ। 

श्रीलंकाले दिएको १२४ रनको लक्ष्य पछाएको नेपालले पाँच ओभरमा सबै विकेट गुमाए ८३ रन मात्रै बनाएपछि नेपाल पराजित भएको थियो।नेपालले अब प्लेट सेमिफाइनल खेलमा युएईसँग आइतबार खेल्ने भएको हो। युएई बंगलादेशसँग १८ रनले पराजित भएपछि नेपालसँगको भेट पक्का गरेको हो। 

नेपालले समुह चरणमा इङल्याण्ड र अस्ट्रेलियालाई पराजित गर्दै समुह विजेता हुँदै क्वाटरफाइनलमा पुगेको थियो। नेपालले इङल्याण्डलाई ६ विकेटले पराजित गरेको थियो भने अस्ट्रेलियालाई ११ रनले पराजित गरेको थियो।