विश्वकप लिग–२ : युएईमाथि ओमानको ६ विकेटकाे जीत

आइसीसी विश्वकप लिग–२ अन्तर्गतको खेलमा ओमानले युएईलाई पराजित गरेको छ।

ओमानमा जारी ओमानसहित युएई र नेदरल्याण्डसबीचको त्रिकोणात्मक सिरिज अन्तर्गत शुक्रबार भएको खेलमा ओमानले युएईलाई ६ विकेटले पराजित गरेको हो।युएईले दिएको १२८ रनको लक्ष्य पछाएको ओमानले ४३.४ ओभरमा ४ विकेट गुमाउँदै लक्ष्य पुरा गर्यो।

ओमानका लागि आशिष ओडेदाराले अर्धशतकीय पारि खेले। उनले १२७ बलको सामना गर्दै ५४ रनको योग्दान गरे। यस्तै, हमाद मिर्जाले २८ तथा मोहम्मद नदीमले १७ रन बनाए। यता, युएइका लागि ध्रुव पराशरले दुई विकेट लिए।

यसअघि टस हारेर पहिला ब्याटिङ गरेको युएईले ४१.३ ओभरमा सबै विकेट गुमाए १२८ रन बनाएको थियो। जीतसँगै ओमानको लिग–२ मा ९ खेलमा ८ अंक भएको छ र लिगमा छैटौं स्थानमा छ। पराजित युएईको भने ८ खेलमा २ अंक छ र लिगको पुछारमा रहेको छ।