नेपाल–बंगलादेशबिचको फाइल खेल तीन ठाउँबाट महानगरले प्रत्यक्ष प्रसारण गर्ने

काठमाडौँ महानगरपालिकाले साफ महिला च्याम्पियनसिप (साउथ एशियन फुटबल फेडेरेसन वुमन्स कप) २०२४को फाइनल खेल तीन ठाउँमा प्रत्यक्ष प्रसारण गर्ने भएको छ ।

बुधबार साँझ ६ः३० बजेदेखि दशरथ रंगशालामा हुने नेपाल–बंगलादेशबिचको फाइल खेल तीन ठाउँबाट महानगरले प्रत्यक्ष प्रसारण गर्न लागेको हो । 

महानगरका अनुसार काठमाडौँको टुँडिखेल, चाबहिलको फुटबल ग्राउण्ड र हाँडीगाउँको सानो गौचरणमा एलइडी स्क्रिनबाट फाइलन खेलको प्रसारण गरायन लागिएको हो ।

खेलको प्रवर्द्धन, खेलाडी, प्रशिक्षक र व्यवस्थापकको प्रोत्साहनका प्रदर्शन हुने प्रत्यक्ष प्रसारण खेल अवलोकनका लागि आफूलाई पायक पर्ने स्थानमा जानुहुन फुटबल खेलप्रेमी दर्शकहरुलाई महानगरले अनुरोध समेत गरेको छ ।