रवि लामिछाने पक्राउ प्रदर्शनमा प्रशासनले हस्तक्षेप नगरेकै कारण सिडिओ र एसपीको सरुवा
काठमाडौँ,८ कात्तिकः चितवनका प्रमुख जिल्ला अधिकारी (सिडिओ) इन्द्रदेव यादव र एसपी भावेश रिमालको सरूवा भएको छ। बुधबार गृहमन्त्री स्तरीय निर्णय गरी सिडिओ यादवलाई हटाएर प्रकाश पौडेललाई खटाइएको हो।
त्यस्तै रिमालको ठाउँमा मानव बेचबिखन अनुसन्धान ब्युरोमा रहेका गौतम मिश्रलाई पठाइएको छ।
स्रोतका अनुसार राष्ट्रिय स्वतन्त्र पार्टी सभापति रवि लामिछानेलाई पक्राउ गरिएपछि चितवनमा प्रधानमन्त्री केपी शर्मा ओलीको पुत्ला प्रदर्शन र दहन हुँदा प्रशासनले हस्तक्षेप नगरेको भन्दै गृह मन्त्रालयले उनीहरूको सरूवा गरेको हो।
राष्ट्रिय स्वतन्त्र पार्टी (रास्वपा) ले चितवनमा प्रधानमन्त्री ओलीको पुत्ला बनाएर प्रदर्शन गरेको भिडिओ सामाजिक सञ्जालमा बाहिरिएको थियो। 'उक्त भिडिओ बाहिरिएसँगै सुरक्षा निकायले त्यसलाई नरोकेको भन्दै गृहले दुवैको सरूवा गरेको हो,' स्रोतले भन्यो।
यादव र रिमाल दुवै जना चितवनबाट बिहीबारै हिँड्ने तयारीमा छन्।
पूर्वगृहमन्त्री लामिछानेलाई म्याद थपका लागि आज अदालतमा पेस गरिँदै
डेढ महिनाभित्रमा पाइपलाइनबाट पेट्रोल आयात हुँदै
स्नातकोत्तर गरेका अर्याल कुखुरापालनमा
सार्वजनिक नीति तथा प्रत्यायोजित विधायन समितिको बैठक बस्दै
लुम्बिनी प्रदेशमा थपिएका तीनजना मन्त्रीहरूकाे आज शपथग्रहण
चिनियाँ युवायुवती किन सन्तान जन्माउन चाहँदैनन् ?
दुई सातामै फिल्म ‘जारी’ लाई करोड भ्युज
प्रतिक्रिया