जिम्बाब्वेले टि २० आईमा सवार्धिक रन बनाउँदै नेपालको कीर्तिमान तोड्याे
जिम्बाब्वेले टि ट्वान्टी आईमा सवार्धिक रन बनाउँदै नेपालको कीर्तिमान तोडेको छ ।
आइसिसी पुरुष टि ट्वान्टी विश्वकप अफ्रिका उप क्षेत्रीय छनोटमा गाम्बियाविरुद्ध ३ सय ४४ रनको योगफल तयार गर्दै नेपालले बनाएको कीर्तिमान तोडेको हो । नेपालले यसअघि टि ट्वान्टी आईमा एकै ईनिङमा ३ सय १४ रन बनाउदै सर्वाधिक योगफलको कीर्तिमान बनाएको थियो ।
सन् २०२३ सेप्टेम्बर २७ मा मंगोलियाविरुद्ध एसियन गेममा नेपालले यो कीर्तिमान बनाएको थियो । जिम्बाब्वेले निर्धारित २० ओभरमा ४ विकेट गुमाएर ३ सय ४४ रन बनाएको हो । जिम्बाब्वेका लागि कप्तान सिकन्दर राजाले ४३ बलमा ७ चौका र १५ छक्काको सहयोगमा नट आउट १ सय ३३ रन बनाएको इनिङमा ३ अर्धशतक प्रहार भएका थिए ।
प्रतिक्रिया