जनताले प्राप्त गरेको अधिकार कसैले खोस्न सक्दैन : अध्यक्ष प्रचण्ड
![](https://snowberry.prixacdn.net/media/gallery_folder/prachanda_iFRjYADHZN_wnb5fk8kndzpcchfzhkmljla786dxkmevxuewu87li1fonndjcmn58rq3uju_r90SBqofFv_nxpvdykhfb7u1nkyc6lscpyzu5rx9fhtego6nalesnyalxstvbtx1cgzz4t3.jpeg)
काठमाडौँ, १२ साउन : नेपाल कम्युनिष्ट पार्टी (माओवादी केन्द्र)का अध्यक्ष पुष्पकमल दाहाल ‘प्रचण्ड’ले नेपाली जनताले प्राप्त गरेको अधिकार खोस्ने जमर्काे भए त्यसको प्रतिवाद गरिने बताउनुभएको छ ।
नेकपाका संस्थापक महासचिव पुष्पलाल श्रेष्ठको जन्म शताब्दीका अवसरमा आयोजित कार्यक्रमलाई सम्बोधन गर्दै उहाँले संविधानसभाबाट निर्माण भएको संविधानमा प्राप्त भएका जनताका अधिकार कोही कसैले पनि खोस्न नसक्ने उल्लेख गर्नुभयो ।
उहाँले आदिवासी, जनजाति, महिला, दलित, अल्पसङ्ख्यक समुदायलाई थप अधिकार सम्पन्न बनाउन संविधान संशोधन गर्नुपर्ने आफूहरुको मत रहेको र पछिल्लोपटक संसद्मा सम्बोधन गर्दासमेत त्यही विषयलाई केन्द्रित गरेको बताउनुभयो ।
संविधन संशोधनको नाममा प्रतिगमनतिर लैजाने काम गरिए त्यो आफूहरूलाई सह्य नहुने अध्यक्ष दाहालको भनाइ छ । संविधान संशोधनको सैद्धान्तिक विरोध नभए पनि जुन तरिकाका साथ दुई दल (नेपाली कांग्रेस र नेकपा (एमाले) अगाडि बढ्न खोजेका छन् त्यसले भने आफूहरूलाई संशय पैदा गरेको उहाँको कथन छ ।
संविधानका मूलभूत प्रस्तावनालाई परिवर्तन गर्न खोज्ने, समावेशिता र समानुपातिक प्रतिनिधित्व, सङ्घीयता र गणतन्त्रको सकारात्मक पक्षलाई कमजोर पार्न खोज्ने प्रवृत्ति देखापरेको अध्यक्ष दाहालको भनाइ छ । उहाँले भन्नुभयो “संसद्को पहिलो र दोस्रो ठूलो दल मिल्नु स्वाभाविक मानिँदैन, लोकतन्त्रमा त झन् मानिँदैन तर त्यो अभ्यास गर्न खोजिएको छ ।”
पछिल्ला दिनमा ‘थ्रेसहोल्ड’ बढाएर साना पार्टीलाई निस्तेज पार्ने र ‘तथाकथित’ रूपमा दुई दलीय प्रणाली ल्याएर पश्चिमा देशको जस्तो जबर्जस्ती गर्न खोजिएको आरोप लगाउँदै अध्यक्ष दाहालले त्यहीमार्फत देशलाई अधिनायकवादतर्फ लैजाने कोसिस भइरहेको टिप्पणी गर्नुभयो । नेकपाका संस्थापक महासचिव पुष्पलालको योगदानलाई केन्द्रमा राखेर पुनः वामपन्थी शक्तिबीचको एकता प्रक्रियालाई अगाडि बढाउन उहाँले सबैलाई आह्वान गर्नुभयो ।
कार्यक्रममा नेपाल कम्युनिष्ट पार्टी (एकीकृत समाजवादी)का अध्यक्ष माधवकुमार नेपालले राष्ट्रियता, जनतन्त्र र जनजीविकाका सवालमा वामपन्थीहरूबीचको एकता, सहकार्यलाई थप सक्रियताका साथ अगाडि बढ्नुपर्ने आवश्यकता औँल्याउनुभयो । उहाँले कम्युनिष्ट आन्दोलनभित्र देखापरेको अराजकता र व्यक्तिकेन्द्रित अहङ्कार र जनताको अधिकार खोस्न खोज्ने प्रवृत्तिका विरुद्ध साझा प्रतिवादको जरुरी रहेको बताउनुभयो ।
एकीकृत समाजवादीका सम्मानित नेता झलनाथ खनालले समाजवादी कार्यक्रमबाट मात्रै मुलुकमा देखापरेको राजनीतिक, आर्थिक, सामाजिक समस्याको समाधान हुने बताउनुभयो ।
नेकपा एकता अभियानका संयोजक वामदेव गौतमले शक्तिशाली कम्युनिष्ट पार्टी निर्माणको लक्ष्यसहित कार्यक्रम अगाडि बढाउन सबै वामपन्थी शक्तिलाई आह्वान गर्नुभयो ।
जनता समाजवादी पार्टी नेपालका अध्यक्ष उपेन्द्र यादवले को सही र को गलत कम्युनिष्ट भन्ने छुट्याउन नै समस्या भएको टिप्पणी गर्नुभयो ।
कार्यक्रममा नेपाल कम्युनिष्ट पार्टी (एमाले)का नेता भीम रावल, जसपाका नेता राजेन्द्र श्रेष्ठलगायतले पुष्पलालको योगदान र नेपालको कम्युनिष्ट आन्दोलनका बारेमा आफ्नो धारणा राख्दै समसामयिक राजनीतिक विषयमा टिप्पणी गर्नुभयो ।
![कर्णाली राजमार्ग पुनः अवरुद्ध](https://snowberry.prixacdn.net/media/gallery_folder/karnali-highway_VjWSE7gstn_StWg2AsEke_rfkvr8tijyczrxqi0thr2ejo8qrzvzqyghceewxe1trxmmumqqwmcak4lvfb_FM73qV8DC3_flrf6fcdhlfvcn1s9nom8lredstzxbvvkbbgxfpspwy11wa7xlzjnhvdiuwk.jpg)
कर्णाली राजमार्ग पुनः अवरुद्ध
![बागलुङका एक हजार तीन सय घर बिजुलीविहीन](https://snowberry.prixacdn.net/media/gallery_folder/bidhut%2520nisikhola%25202_CqKr0bgt0C_d62y02hskublhojr5jcrhqkmj0cupkkonsexmke3eq0cfmsnh1thiaoxcdat_9xYdge6R45_j4rpxhi2tywa0eu7bijdrxs7szslfe5zvjj4qum5xfwsnrt7vxoobeycpun6.jpg)
बागलुङका एक हजार तीन सय घर बिजुलीविहीन
![अमेरिका मैत्रीपूर्ण फुटबल खेलमा ६७ वर्षपछि घरेलु मैदानमै क्यानडासँग हार्याे अमेरिका](https://snowberry.prixacdn.net/media/gallery_folder/66dcd260023d160937fea570jpeg_MuUa9HKfX9_c6weeurinjl5orfuqs4je1vz7fh93bx6pi7tqmuzssdajpaamlcrwwqjowof_nHVpLevqUi_gca3t1d53tj9uyxoae0mhp56fuztg7uo3zk4qnbtvgi46dzcdlgzxnmnzcw8.jpg)
अमेरिका मैत्रीपूर्ण फुटबल खेलमा ६७ वर्षपछि घरेलु मैदानमै क्यानडासँग हार्याे …
महिलाको अगुवाइमा बन्यो सामुदायिक भवन
![घुससहित रंगेहात पक्राउ परेका पोखरा महानगरका इन्जिनियरसहित ३ जना दोषी ठहर](https://snowberry.prixacdn.net/media/gallery_folder/pokhara-mahanagar_qtTHQHRS3l_jtworprrwture06gmgstgswvnhtixvfegswnenury4mb3i9crvmb9jfsnuqf_BQPNAurRWD_k8tldvfvfskkaxrudkvdromqilc7oeyrjzpn1gchwxakeiieat3ybi0je1ae.jpeg)
घुससहित रंगेहात पक्राउ परेका पोखरा महानगरका इन्जिनियरसहित ३ जना दोषी ठहर
![राहत कोषमा जुट्न थाल्यो रकम](https://snowberry.prixacdn.net/media/Untitled-3_kmbkxmwitlrzt6j236lbcxz0qwdntxwtmwr1cyd42gkwqyhktmici6uhlr9z.jpg)
राहत कोषमा जुट्न थाल्यो रकम
![राप्तीमा बेपत्ता दुई युवकको अवस्था अज्ञात, खोजी जारी](https://snowberry.prixacdn.net/media/gallery_folder/1725767808_Rapti%2520Nadi-1200x560_MfXygK2wEy_jsurozo1zqrxwfyixgzmai3xnw0yokrqwelc54zgvtktqvwhev9olblshm2k_ajSYuoxP48_siyiohkgfai27d6fgprgzrgo5k2iqklyhim7ilcqle2hvwyosya3gnkcgcsa.jpg)
राप्तीमा बेपत्ता दुई युवकको अवस्था अज्ञात, खोजी जारी
![पश्चिम तराईमा उल्लासपूर्वक अटवारी पर्व मनाइँदै](https://snowberry.prixacdn.net/media/gallery_folder/1%2520(2)_HqLQZWXCqX_cea0hlnwmjipw0jonvkzioqhdnxybmxodbcsxdryj5nylzdw8lv4bsc2e9ro_pExMP2emQd_pgrpstsrnbzxdjfzdy1j71o3mhlkan5teo3u3orwhvwckqdk6llbhv2jqzh2.jpg)
प्रतिक्रिया