ओली सरकारको डुंगा कति सुरक्षित छ ?
![](https://snowberry.prixacdn.net/media/gallery_folder/oli-2-1_UiZG9BT3Gc_dmBMvFzWWY_k3iozoimcdvx9axbh6cdpzou32o9dq0cyr0c9zzl45ukqup40ceu3z7yz0ow_2JE2dzINlg_ktbsoar9plsjmgv4wev7tkmn9lkeeguszlj3wna7aizuzsmiiifajps3tcpi.jpg)
प्रधानमन्त्री केपी शर्मा ओली जतिपटक प्रधानमन्त्री भए, निकै शक्तिशाली धरातलमा भए ।
पहिलोपल्ट प्रधानमन्त्री हुँदा उनलाई देशभरिको समर्थन थियो । त्यतिखेर नेपालीहरुका पार्टी अलगअलग भए पनि नेता केपी शर्मा ओली नै थिए । आफ्नो जीवनकालमा, त्यो पनि सत्तामा जाँदा त्यो हदसम्मको समर्थन पाएका नेता सम्भवतः ओलीबाहेक अर्को भेटाउन मुस्किल छ ।
त्यसखबत उनले बलियो समर्थन पाउनुको कारण थियो, भारतीय नाकाबन्दीविरुद्धको चट्टानी अडान । अहिले पनि एउटा तप्काले ओलीलाई नै नेपालको सबैभन्दा राष्ट्रवादी नेता भनेर नै मान्छ । दोस्रोचोटि प्रधानमन्त्री हुँदा तिनै ओलीले लिपुलेक–लिम्पियाधुराको नक्सा संविधानमा राख्न पहलकदमी लिए । देशका सबै दलले त्यसमा समर्थन गरे । त्यसको जस अहिलेसम्मै ओली पाइरहेका छन् । गत आम निर्वाचनमा एमालेविरुद्ध ठूलै घेराबन्दी हुँदा पनि झण्डै देशको पहिलो दल बन्नुमा ओलीको त्यही छविले काम गरेको छ ।
यसरी ओलीले पाएको व्यापक जनसमर्थन जोकोही नेताका लागि लोभ लाग्ने पक्ष हो । एउटा कुनै समयमा कुनै नेताप्रति ठूलो जनमतले समर्थन गर्नु ठूलो कुरा होइन । तर, २०७२ देखि हालसम्मको करिब दशक अवधिसम्म एउटा नेताप्रति जनताको आशा र विश्वास अटल रहनु चानचुने कुरा होइन ।
अहिले त झन् ओलीलाई देशकै सबैभन्दा ठूलो दल नेपाली कांग्रेसले समर्थन गरेको छ । कांग्रेसको समर्थन पाएर एमालेको नेता प्रधानमन्त्री बन्न पाउनु अर्को दुर्लभ संयोग हो । देशका दुई ठूला शक्ति एक ठाउँमा भएर त्यसको नेतृत्वमा रहेर सरकार चलाउन पाउनु ओलीका निम्ति गज्जबको अवसर पनि हो ।
यति बलियो र शक्तिशाली प्रधानमन्त्री भएर उनले के काम गर्छन् भनेर अहिल्यै भन्न सकिने कुरा होइन । तर, उनको सफलता भने उनी कसरी चल्छन् भन्ने कुराले निर्धारित गर्नेछ । ओलीले अहिलेसम्म जेजति अवसर प्राप्त गरे, त्यस अवधिमा उनले जनताको जीवनस्तर परिवर्तन र राष्ट्रिय विश्वसनीयता कायम गर्न जति काम गर्न सक्थे, त्यो नगरेको भने तीतो यथार्थ नै हो ।
उनको सबैभन्दा ठूलो कमजोरी मुखाले स्वभाव हो । उनी सानो घेराबाट चल्छन् । आलोचना सहन सक्दैनन् । आलोचकको मुख थुन्न उनी आफै प्रतिवादमा उत्रिन्छन् । उनी आलोचक जमातको पनि प्रधानमन्त्री हुँ भन्ने बिर्सन्छन् । प्रामाणिकता नभएका बहकाउपूर्ण मान्यतालाई बोकेर हिँड्छन् र त्यसैलाई सत्यका रुपमा स्थापित गर्न जिद्दी गर्छन् । आफू पदमा पुगेपछि निश्चित व्यक्तिलाई मात्र अवसर दिन्छन् । एमाले पार्टी भनेको राष्ट्रिय पार्टी हो भन्ने याद गर्दैनन् । झापाली र बालकोटेहरुको प्राधिकारयुक्त संस्थाका रुपमा उनले व्यवहार गर्छन् ।
उनका यिनै कमजोरीका कारण पार्टी फट्यो । उनका यिनै कमजोरीका कारण यसअघिका सत्ता अनपेक्षित रुपमा गुमे । अहिले पनि उनको मुख्य चुनौती यही नै हो । यदि उनले केही उदात्तता देखाउने हो भने मात्र पनि धेरै नतिजामुखी काम गर्न सक्छन् ।
हामीलाई राजनीतिक मुद्दाका वरिपरि रिंगाएको धेरै भयो । अब हामीलाई आर्थिक एजेन्डामा काम गर्ने नेतृत्व चाहिएको छ । विकास र समृद्धिको सपना देखाउने होइन, विपनाको वाहक चाहिएको छ । सिंगापुर र स्विट्जरल्यान्डको प्रलोभन होइन, स्वदेशमै आशा जगाउने अक्किल चाहिएको छ ।
ओलीले यसपालि बडो चतुरतासाथ कांग्रेस सभापति शेरबहादुर देउवाकी पत्नी आरजु राणालाई परराष्ट्रमन्त्री बनाएका छन् । यो सरकारको शक्ति र कमजोरी जे भने पनि आरजु नै हुन् । आरजु एक सामान्य महिला नेतृ मात्र होइनन् । उनी काठमाडौँको एक सम्भ्रान्त र कुलीनवर्गकी प्रतिनिधि हुन् । जन्मिँदै उनको रगतमा राजनीति मिसिएर आएको छ । तसर्थ उनमा राजकाजको भोक र महत्त्वाकांक्षा कम छैन ।
आरजु संसारका जुनकुनै देशका शक्तिशाली नेता र तिनका प्रतिनिधिसँग शिर ठड्याएर आँखा जुधाएर अंग्रेजीमा कुरा गर्न सक्छिन् । अन्तर्राष्ट्रिय समुदायमा उनको आफ्नै सम्पर्क सञ्जाल पनि छ । शक्तिको सम्बन्ध पनि छ । तसर्थ उनले भारत वा चीनभन्दा पनि शक्तिशाली देशसँग कुरा गर्न सक्छिन् । शक्ति सन्तुलन मिलाउन सक्छिन् । तसर्थ, यो सरकारमा आरजुको उपस्थितिलाई लिएर त्यति आलोचना भएको छैन । नेपालका इलिटहरुले उनको उपस्थितिलाई मौन वैधता प्रदान गरेजस्तो देखिन्छ ।
आरजु नै सरकारमा छन् भने देउवाका लागि योभन्दा ढुक्कको विषय अर्को हुने छैन । जयवीरले पनि बाबुबाट जति सिक्नुपर्ने हो, सिकिसके । अब राजकाज सिक्नु छ त आमा आरजुबाट सिक्नु छ । तसर्थ, यो सरकार देउवा परिवारले चाहेको दिनसम्म टिक्छ । त्यसमा पनि आरजुले चाहेको दिनसम्म टिक्छ । आरजु यो सरकारमा बस्न चाहेसम्म देउवाले दायाँबायाँ गर्न सक्ने छैनन् । तसर्थ, यो सरकारको डुंगा अरुले सोचजस्तो ६ वा ९ महिनामै डुबिहाल्ने देखिँदैन । बरु आगामी केही महिनामा आरजुको दर्जा उपप्रधानमन्त्रीमा उकालेर भए पनि ओलीले सत्तारक्षा गर्नेछन् ।
![४०/५० करोडभन्दा माथिका भ्रष्टाचारमा ठूला दलहरुबीच सहमति हुन्छ : घनश्याम भूसाल](https://snowberry.prixacdn.net/media/gallery_folder/ghanshyam_bhusal_1661428650_dPcMqQjZM7_wbnxvo6cmhrnhovvvek98n5nrjia0i8sia3jn7wdq7uoqddcjgncgbunwht8_8WFbv8p27k_v3vogowwetlshehyopaoo6atomajr442zti2pzsqdyii75oyuyyynujq1gzm.jpg)
४०/५० करोडभन्दा माथिका भ्रष्टाचारमा ठूला दलहरुबीच सहमति हुन्छ : घनश्याम भूसाल
![उपसभापति अर्याल भन्छन्-रास्वपाबाट तर्सिएर लखेट्न थालियो](https://snowberry.prixacdn.net/media/gallery_folder/dolprasad-aryal_RJrc0AdNkF_tEXGc4rwma_olkqio7hbbluj9eassblonx7gxz6kb7fkb9vfobuibz01jrgkwccfibgzyah_GSE1aHMg6J_k4dwvk5uy3ahij7li3aroipknmkv4uvmygujpdgcenssw0dmnavyjfye7yhr.jpg)
उपसभापति अर्याल भन्छन्-रास्वपाबाट तर्सिएर लखेट्न थालियो
![देश बनाउनका लागि ३६ हजारभन्दा बढी रवि लामिछानेहरू जन्माउनुपर्छ : रास्वपा उपसभापति अर्याल](https://snowberry.prixacdn.net/media/gallery_folder/dolprasad_aryal_1674871118_sc2NUGz7su_wsnz1ijekcgrappherlhprvetnsdgakigdhl78x89nu6qptzltkzmvndlnvi_31A3wSA5TC_e043jcyumg9npctmualgh2xikcm48irioco8im3jil6ebm9cjak2rwn4gf3z.jpg)
देश बनाउनका लागि ३६ हजारभन्दा बढी रवि लामिछानेहरू जन्माउनुपर्छ : रास्वपा उप…
![एकीकृत समाजवादीका अध्यक्ष माधव नेपाल स्वदेश फर्किए, नयाँ नेतृत्वपछि नेताहरूलाई जिम्मेवारी तोक्ने तयारी](https://snowberry.prixacdn.net/media/gallery_folder/madhav-back-to-nepal_chE4u6zETI_ngynonooiyfekgt7jyacxurzrtngzoxfmb1qcfl6qr8mv6jeq3kynu5b4tig_RwitgtVtCu_vpzbfqqkdzeug1pwiq68b7cwbh5ka4w9w5azvwvtl2a8w2trhkvprjajbajb.jpg)
एकीकृत समाजवादीका अध्यक्ष माधव नेपाल स्वदेश फर्किए, नयाँ नेतृत्वपछि नेताहरूला…
![सत्ता गुमेको आक्रोशमा प्रचण्डले बंगलादेश बनाउँछु भनेर तर्साउँदै हिँडे : एमाले बास्कोटा](https://snowberry.prixacdn.net/media/gallery_folder/images%2520(1)_GQysp8a90K_td9blacjr6dawzgjuai30dgb5sv68gyy0zet7cyjik0zsf3ejmmi4j3taydj_Rcoim5qrlX_utr3nagmtfhpao3tbgquftbmenqu3xsaqwxo0dtzklqtfveba6c5vxb3xgyi.jpeg)
सत्ता गुमेको आक्रोशमा प्रचण्डले बंगलादेश बनाउँछु भनेर तर्साउँदै हिँडे : एमाले…
![प्रधानमन्त्री ओलीले फेरि दोहोर्याउँदै भने-म भ्रष्टाचार गर्दिन, अरुलाई पनि गर्न दिन्नँ](https://snowberry.prixacdn.net/media/gallery_folder/oli-1_uKrzFvUPpD_mp8r5chctcpdmm4idcqowdmlpvczrx6hhl7kg2le2zww8pbrieuovplxqj5y_GzUWllwrCb_m6k9xhcuyy77sfszgvoswwknrun4lmyflbwd7wp3lcpietryqfmaciwqb6sw.webp)
प्रधानमन्त्री ओलीले फेरि दोहोर्याउँदै भने-म भ्रष्टाचार गर्दिन, अरुलाई पनि गर्न …
![जनयुद्ध महान नै थियो भने किन छोडेर आएको : प्रधानमन्त्री ओली](https://snowberry.prixacdn.net/media/gallery_folder/1717232912_kp_oli-1200x560_O8vvIxku3D_sepjva0zzl0vnpnp9i7jwrwk8xdmwdkvfwg3ojq0dmji2td1ntsmatlqhcbq_qckdDPEhlR_2levctcnyyghfawz9s7sxslg5aeoia0wigxigc3hcqouodtlkber1wgnscdy.jpg)
जनयुद्ध महान नै थियो भने किन छोडेर आएको : प्रधानमन्त्री ओली
![लोसपाले संविधान संशोधनबारे अन्य दलसँग छलफल गर्न बनायाे कार्यदल](https://snowberry.prixacdn.net/media/gallery_folder/losapa_FOF5RibUwU_clmzm4dhad6wtjoll1oxxrx2cqtg775fc7ndryyvei7vxtu1f5bitrd6ewpv_DJAQSk9ZS7_aokclpim8nqtrnozroggb7fjxvv06yewxayprb5wevn9iloycsymrppjajij.jpg)
प्रतिक्रिया